2008年5月27日至6月7日-日本之行 【第四篇】

第六天 ： 早上九點到，去郵局寄埋啲玩具，就坐新幹線去福岡，今次係第二次去，都係九年冇既事，去到差唔多成點鐘，就去揾酒店，今次真係好近JR博多站，唔駛三分鍾就到  就再坐新幹線去小倉，幾個字就到，就去揾Mand記，估唔到係咁多間Mand記，呢間係最近，不過都幾細間，得兩層，1/F賣書、同人誌、CD等，2/F當然賣玩具，啲價錢及款式都幾啱我心水  買咗少少啦，就坐新幹線返博多及酒店，之後行吓附近及去反斗城，行完就坐私鉄去福岡Mand記，樓高三層，1/F買嘢及書，2/F賣同人誌等，3/F賣玩具，舊嘢就冇乜，都係新嘢多，買咗啲就鬆人，行吓附近的大商場，有少量玩具舖及volks內的showcase，再行地下街，之後就返歸~

小倉Mand記

第七天 ： 約七點幾就坐特急火車及轉車坐新幹線去鹿兒島~

新幹線的坐位都幾靚及舒服

新幹線車內的廣告書刊

去到鹿兒島約十點，再坐JR去唔記得咩站  揾舖頭，去之前已經睇清楚方向及約行千五米，但行咗好幾個字，都揾唔到，又要出絕招  坐的士  又洗大幾百yen，舖頭都算大，之前朋友去過話啲舊嘢幾平，但去到舊嘢唔係咁多，冇乜啱心水，買咗少少中古嘢，出到門口睇吓有乜車走，如果坐的士起碼要千幾二千 行又遠又要上長命斜，好在揾到巴士站，路牌寫住經火車站，有巴士嚟就上車，坐咗好十個站，都未見有乜火車站，坐多幾個站先到目的地~

等JR時，無聊餵吓白鴿

去到鹿兒島駅到兩點幾，大失預算！又行好幾個字終衣揾到該店鋪，店舖細細，但幾多玩具，放得密密麻麻，有好幾層，要好小心搜尋，當揾到啱心水物品，每問一款，每一次的答案，都令我心傷，唉

博多駅隔離商場天台的魔天輪

係鹿兒島行咗兩間舖頭都唔見咗半日時間，都接近四點幾，又冇乜收鑊，本來最有地方可去，但係更加偏遠，都係算數，坐返新幹線去小倉及福岡行吓就算

第七天 ：八點起身，開電視見到這件殘星星，宣傳嗰套失望電影

九點先寄包裹，之後返酒店攞行李及坐新幹線去大阪~

火車路軌下面可能整地下街，見路軌下面乜都冇，非常單薄

                                      下回再講