澳門遊 ~ 16-17 Aug 09

8月16日 & 17日 (炎熱)

@澳門威尼斯人酒店

今個暑假因為"豬流感"關係, 無左出國旅行嘅機會....但換來幾次短程旅遊 (華僑城, 長隆 & 今次嘅澳門) 都好.....有得玩就得啦 !! 加上今次有Edwin仔 & Adrian哥哥一齊玩, 直頭好玩到飛起 !!

因為船票緊張, 於是我地要分兩批人出發 ! 我地一家同Edwin仔一家坐8點船, 然後景嵐哥哥一家 & Edwin 仔的婆婆公公遲一個鐘頭出發........

去到威尼斯人酒店, 因為Edwin仔嘅細佬BB係Karina 姨姨嘅肚入面, 於是櫃台姐姐早一點比房我地, 所以我地可以好輕鬆係房間等Adrian 哥哥佢地囉 !!

你睇...我同Edwin仔係條樓梯都可以玩一餐呀....

好快趣, Adrian 哥哥佢地都到左啦......加入戰團.....

人齊啦.......第一個節目就係游水啦....yeah !! 9秒9 變身 !!

呢pair 父子好relax咁游緊喎 !!

呢pair父子好忙碌整緊個潛鏡.....

游完水後食過午飯已急不及待去第二個節目 ~ Q立方 (一個消耗體力嘅好地方)

夠鐘食晚飯啦.....今晚我地食葡國菜....好好味呢!!

食完飯逛一逛酒店內優美嘅環境, 然後返房休息.....a...未住...仲有個餘興節目 ~ 同Adrian 哥哥一起共浴.....又玩到癲晒 ~~

第二日 ~ 我地食過Brunch之後就出發往大三巴觀光, 一個字形容 "熱 !! 熱!! 熱 !!"

男子組合照

最後, 因為搵唔到公園比我地呢班馬騮玩, 於是又返去Q立方玩多一次....hehe

呢個整整兩天嘅旅程真係由朝玩到晚, 從未間斷 !! 有個志同道合嘅朋友一齊玩.........簡直 "零舍不同" !!

P.S. 鳴謝呢位攝影師, 禽高禽低幫我地影左好多靚相 !! Thank you !!