見家長日

今日係學校嘅見家長日.放工即刻趕番屋企,带埋小朋友去學校見大B同二B嘅班主任.

談話内容都冇咩驚喜.都預咗老師會報喜不報懮.哩個係美國學校嘅一慣作風.只會鼓勵和讚揚啲小朋友.一開始就講晒佢哋啲優點.等你哋啲父母開心下.有啲咩要改進嘅地方都只係會用好婉轉嘅方式告知.

大B個老師一見到我哋就話,大B好sweet,好nice.佢讀書冇問題.樣樣都好好.你哋有冇見到佢嘅畫同作文呀?我貼咗响門口.

仲有就係最好可以同佢做多啲関於数錢嘅練習.数錢對佢哋哩個歳数嘅小朋友黎講係有啲難度.慢慢黎,買啲練習薄俾佢做下就冇問題架啦(咁即係佢数學差啦).

之後就去咗二B嘅班房.原來二B都好受女仔歡迎.有两個小妹妹,一見到二B就不停咁叫住二B個名.

二B個老師好靚女.好好人.又係一見到我哋就大讚二B好乖,好可愛.樣樣都好好.冇問題.

我同老公都冇咩反應咁望住個老師.就問佢二B有啲咩衰嘢要改進.

老師就話佢只係好静好静,好多時都唔多出聲.其他樣樣都好好.

净係咁都好啲.希望佢大個啲會好啲啦.

見完老師我同老公都有啲放心,因為佢哋两個嘅老師都好好人.希望佢哋可以開開心心咁讀書啦.