瑣事（二）

終于又到左假日，身體、精神、心情都可以放松下~我選擇左上來打下Blog。

我真系最唔中意冬天，都唔中意冬天既鄰居——秋天。

秋天d天氣真系好干，有時聽到既風聲系好礙耳，我覺得好煩，好苦悶。就呢兩日而言，我真系覺得好累~咩都唔想做唔想理，靜系想好好訓下（發夢就有我分）~T_T如果我系時間公主幾甘幾好呢，我要全世界人同我一樣感受一下訓覺既快樂，之后就勤力甘工作（繼續發夢~）。回歸正題，呢個星期翻左兩日學，都系同一個頹樣，第一日上PE堂，PE sir問我點解個樣甘頹，關心左我好多，仲同我分享左他既讀書方法，PE  sir唔講PE講讀書真系好難得^^,寶貴既一課。當然唔系左耳聽右耳出啦，阿sir d方法都幾啱我既~

第二日（琴日），上Econ果陣Mrs（班主任）哭左，呢個學期第二次因為我地哭左，具體d嚟講就系9月份因為我地哭左兩次，由此可見Mrs已經進入左緊張既狀態二我地依然好松懈，我地都好明白Mrs~~~放學之后，同d同學系班房傾左陣閑計，再忙住交功課，一切完成之后，我就俾Mrs（Econ）叫住左，因為我自己心情本身都唔靚，她問咩我唔系好想理，態度好差之后俾她叫左我出去傾計~我真系好唔想傾~不過都系將她想了解既野講曬出嚟~真系好舒服好輕松，如果眼淚都可以舒暢甘留埋出來既話更加疼快~Mrs對唔住呀！

d瑣事塞住曬我個腦，呢家排左出嚟終于松曬，都可以將之前想講既野抄翻出來，正！