網誌分類：市井觀天 |
我騎呢但我不是厭世／陳榆
Dear Mable and Daniel：
多謝你們的問候呀！想不到你們會以為我在殉道。後來收到不少電話問：「咁即係點啫，你醫定唔醫啫？」重看個blog，發現自己原來很多沒有交待的地方，累大家擔心，實在不好意思。
首先，我從來沒有拒醫的意思，目前，我正等候瑪麗醫院的安排，一收到電話，我就即刻入院做手術啦！為了養得肥肥白白上手術床俾人鋸，我已好努力將很多食物倒入個胃度！因為前排以為胃有事，所以唔敢食飯，結果暴瘦15磅，依家要努力養肥自己。
正正當我要奮起為主食七咁食之際，秘書姐姐有朝見我食麥記薯餅，就恐嚇我：「你重食薯餅！」吓，有cancer唔食得薯餅㗎咩！食晏重慘，買咗雞鴨飯加色，美術部姐姐問：「裡面D乜嚟㗎？」「雞同鴨囉！」「雞有激素，鴨有毒，通通唔食得！」我開始懷疑D同事其實唔係為我好，事實係想食我D嘢！
為了得到專業意見，我已經約咗中醫了解戒口的清單，大家唔使再講我唔食得D乜啦！我唔信你哋㗎啦，你哋其實想食我D嘢就真！不過，講番轉頭，都係交代少少歷史好D。我自細係藥煲一個，家父不嬲掛在口邊：「咁多仔，使得最多錢都係你！」所以，我自細已經好鐘意聞醫院的味道，一返醫院就有feel at home的感覺。大個重大劑，唔知點解，成日俾車撞，小學一次，大學一次，中神帶trip一次，全部都係撞左邊。所以，識得我的都暗串：「同陳生坐車，千祈唔好坐佢左邊！」
不知你們有冇睇一套叫《不死劫》（Unbreakable）的電影。它是印度導演禮切沙也馬蘭（M. Night Shyamalan）在荷里活的第二部作品，講布斯韋利士（Bruce Willis）飾演的奇人不知為甚麼，所有意外都能逢凶化吉，原來冥冥中上帝揀選了這批人是有一個使命給他。
這就是你們提的召命吧！我時常在想：「上帝既然不要我給車撞死，那麼我會點死呢？」講真，當我知道我有癌症時，我終於明白這就是我的死法囉！所以，我嗰Ｄ分享係有少少背景的，但並不代表我厭世㗎！
我總覺得上帝係好幽默的，我成日響度問：「楊醫成日講《傳道書》裡頭所說的『份』（portion）對我來說有甚麼意義？」當我上網查，知道我的壽命最快1年，最慢就5年（當然那是甚麼也不做的情況講），我就以這個為我的「份」，更努力去生活，為主作工。奇又奇在，大家似乎對我的的《市井讀經》沒太大興趣，反而睇我的患癌宣言就興興致勃勃，很感謝你們的關心，特別感謝信望愛團契的兄姊為我的祈禱。
明年三月是我跟太太結婚二十年的紀念，在上星期四接到報告後，我就跟老婆講：「我一定可以跟你慶祝這個重要日子，我會好好活下去。」很抱歉，今年不能跟你們在「靈命培育小組」一起經歷神，重看早期的小組筆記，原來最後一堂我是會講「死亡」在我們靈命培育的位置，想不到事隔多年，今日講的相信會比當年的分享更豐富。
願主大大祝福你倆！
榆
Mable 2008-09-30 15:13
陳榆: 希望你的手術可以成功,加油呀!
mable^ ^
Harry Chow 2008-09-24 14:39
Hey, not a big deal ,Chen.
You worked up the plan of God on you, right ?!. I see, you got the right direction to go on the coming years, that is, enjoy and enjoy every relationship, every tasks, every calling given on you from our Lord. True joyfulness is more important than everything. and I belive, true joyfulness can generate unbelievable power , even possible cure your disease.
You are showing me a very positive example again. Tks ! I love you !
Chow Hin
爛鬼會長 2008-09-23 15:56
Rowena 2008-09-22 09:50
陳榆:
努力呀! Take good care ! Pray for you and your family!
Rowena
網上無聊人 2008-09-20 11:44
大豬 2008-09-20 00:54
陳榆:
攪到我都想留下言tim,你個癲佬,唔同你爭食,同你去打冷,我地請
holli hollie 2008-09-20 00:53
Mabel and Daniel 2008-09-20 00:31
老師，
未可以在課堂跟你學習，我們感到一點失望，但因你一早「連命都裨埋我哋」，現在又那敢有多求？！知道你其實在地如在天，神早也在你右邊，我們就以禱告記念，一同擁抱這多變的人生。
Mabel&Daniel
Sunflower 2008-09-19 23:59
珍惜每一日, 享受神給我們每個人的"份". 主常與你同在.
waiting 2008-09-19 23:09
Robert,
感恩你能樂觀面對...continue to pray for you and your family
等埋你一齊入馬灣re-u呀!
0708靈命培育小組D組
Tina
Freda 2008-09-19 22:56
陳榆:
都知你最怕老土, 但都想表達一下對你的支持及關心. 會為你禱告...為一家老嫩,又求唔好太辛苦,唔好太痛,希望手術真的幫到你,又冇乜併發症 (一幕幕以前在QM見人做whipple's operation的情形及聽聞,又湧上腦,不瞞你說,那出現的機會率都唔細,請有心理準備),希望買大開細啦(即在手術床上所見,實在比估計的輕微)!
Freda
sam's wife 2008-09-19 21:00
陳榆
我想起當年參加你帶的靈命培育小組,印象很深刻,獲益良多。在此要再多謝你!!代Sam問候你!願神保守你能快快安排到做手術,並手術後早日康復。
雅文
倫伯 2008-09-19 18:14
阿珊 2008-09-19 14:03
陳生：
好佩服你！會繼續為你和你一家代禱！
瑋珊
斌 2008-09-19 01:00
你又畀多我一個印證，說明越近上帝，就越多苦難同越易瓜柴。anyway,pray for you and your family.我會打畀你約你食飯呀.....但放心啦，唔會有我食無你食...
斌
多樂飛 2008-09-19 00:17
橕住呀！ 期待你健健康康、肥肥白白時再同我地開電影組的日子！
電影組 Dorothy
anneSUManne 2008-09-18 21:05
陳榆(導師、團友)
我都知你一向樂觀喇.....總之積極面對啦.....我哋等你返黎啊.....
我哋一定會為你 & 你一家祈禱
annE (提摩太)
QUN UI 2008-09-17 23:04
陳榆兄,
欣賞你的豁達及優默感。每次聽到別人生CANCER,都會百感交雜，亦會產生一份危機感: Why not me! 年紀大了，人止終要面對生老病死。自己懂一點點的莊子，知道生死是莊周夢蝶，是一種人生最自然的過程，但要我化蝶，我又怕蛻變的無奈與痛苦；要我從聖經中得亮光，我又不喜歡太「行貨」，最終還是在面對別人活生生的見證中肅然靜默，去感受、去反思，然後將恐懼化作生活的動力。
Pray earnestly for you and your family!
君宇