專一好嘅男仔, 天下間.. 仲有幾多個呢?? 灰掉...

我的小學同學~~ 一直在心中, 經常在我的腦海浮現, 雖然手電裡有她的電話號碼, 但成日因為一個懶字, 一年又一年的過去...前幾天終於的起心肝, 玩facebook 期間, 心血來潮找找她, 又俾我搵到佢, 當然相認咗啦... 最後得知, 原來佢已改了電話...

看到她facebook上的相, 令我有點費解, 有點不安, 有點不像樣...點解全部相都係佢同仔仔影, 爸爸呢... 就算是揸機都唔會一幅都冇囉...不好的東西在我腦海出現..

到了今天, 我地即興地約出來見見面, 當然仲有仔仔啦.. 電話對話中, 我真的不禁地對她說: 我想問你一個問題. 點解....??? 分開了... 不想中的~~ 中了... 我真的灰掉了..當年他倆是同學, 兩小無搓..... 到今天... 愛情是否真的敵不過時間嘅考驗呢...

一個6歲大的小朋友... 一個單親家庭... 眼見samuel, 跟媽媽十足一個餅印...眼仔碌碌, 很愛笑... 望住佢, 我已經有點心傷... 食飯途中, 他爸爸打電話來, 跟他說明天會陪佢地一齊去迪迪尼... 當掛斷線後, 佢雀躍地嚷著 " 佢肯嚟呀!! 好嘢!! 媽咪.." 我聽到後, 即時眼紅, 好慘呀!!! 哩句說話已經道出小朋友嘅心底話, 佢爸爸好少陪佢, 好少見面...

我諗我都應該抽時間, 陪吓哩個小朋友, 儘管是一餐飯的時間都好吖...

依家我嘅心情都仲未平服到...