網誌分類：生活篇 |
最近真係好懶, 早排晚晚掛住睇 Laughing 哥, 連報紙雜誌都睇少咗. 近呢兩個月好努力咁搵番D罕見DVD, 例如古惑仔1-6集、九龍冰室、鄭少秋梁家輝「天羅地網」、鄭少秋「楚留香大結局」(台灣電影, VCD)、李連杰「黃飛鴻-西域雄獅」、趙文卓果兩套黃飛鴻電影(王者之風&龍城殲霸) + 刀、張國榮「金枝玉葉」第一集、省港旗兵第一集、異域第一集、金城武「不夜城」、蕭芳芳「虎度門」、U571港版、豹妹日版有中文字幕、紅潮風暴(Crimson Tide)、冇數講(Negotiator) .... 全部都係我心水電影. 再早排俾我搵番兩套大陸電影「雙旗鎮刀客」同「黃河大俠」, 正, 即時番煲!! 噚晚同D friend行電腦中心竟然俾我無意中見到李連杰「精武英雄」大陸版, $38即入. 呢套我真係睇到識背, 己經收咗VCD同日版DVD, 呢套大陸版會儲起, 但有個friend話未睇過, 「你睇完先俾我囉, 哈哈!!」家陣仲搵緊蕭芳芳「女人四＋」(其實搵到, 但好貴所以未落手, 反正蕭芳芳今屆電影節會攞成就獎, 希望有公司番出益街坊)同埋嚴浩導演「天國逆子」. 搵埋呢兩套會抖抖先, 呢種活動實在勞民傷財 ...
睇完Gundam 00 Season 2, 除咗個「正」字, 冇其它嘢講. Trust You終於有伊藤由奈MV, 有好歌聽、有靚樣睇, 都係一個字 ----- 正!!
又唔係淨係掛住玩, 都有花時間做正經嘢, 希望好快有好消息!!
祝各位復活節快樂!!
ＬｏＵｉＳ．ＡｓＫ 2009-05-29 11:25
TL2009-05-31 07:30
生死拳速同原始武器都冇睇過, 好睇嗎? 佢兩套黃飛鴻喺香港極之難搵, 我都係海外訂購, 有興趣可以去呢到睇吓, 兩間我都試過, 安全. 但有時郵寄會俾海關check, 隨時遲兩三星期至到 ....
http://shop.hkdvdstore.com/new/advanced_search_result.php?search_in_description=0&keywords=once+upon+a+time+in+china&x=19&y=10
http://sensasian.com/index.php?in=All&action=search&searchby=title&search=once+upon+a+time+in+china+&Submit.x=20&Submit.y=9
Dolphin 2009-04-26 09:22
哈哈哈~~~~ 你啲近況就系尋找 DVD 的日子，唓 ))))))))))
唔收貨
★ 003 ^u^ ★ 2009-04-14 11:27
你收藏左好多經典劇集
Koma_Rider 2009-04-13 23:53
幾時得閒，揾你麻煩~
老祺 2009-04-13 18:46
金城 2009-04-11 12:11
勾叉積克 2009-04-11 10:02
哇，你買既戲都真係夠經典喎；難得你咁長情去買返晒，好有毅力～
我早排都有追睇Laughing哥，我覺得今次套戲算唔錯～