1114預祝忌忌生日遊大潭

日期 : 零狗年1114
事件 : 預祝李何無忌三歲狗一
地點 : 大潭
時間 : 大約下午三時半 -- 六時
天氣 : 涼涼地, 陰天無太陽, 氣溫 18 - 20度

主腳 : 李何無忌

配腳 :
李皮, 壹壹, JEREMY (好難得影到佢地三隻都唔笑呀, 所以一定要放上黎 ~ )


仲有好耐無見的李肥仔

呢隻係路過的厚毛三色靚王子

呢個就係索女特地為個女撲回來的蛋糕啦

好香 ~ 好香呀

索字輩母女合照

何家合照

何家 + 女婿皮

索女開始切蛋糕啦 ~ 除壽星女外, 還有某狗係度扮壽星喎

以下係李何無忌食蛋糕連環圖.....
打撗打直起勢搶, 咬都唔咬就咁吞 ~ 儀態呀, 在何方呢?
 
  

忌 : 個蛋糕咁好味, 我梗係要質飽個肚先啦, 儀態? 乜黎架? 未學過呀我

索女左右兼顧的交叉手, 一手餵阿女, 一手餵女婿, 好掂呀 ~


肥仔 : 嘩, 忌忌你連剩返果舊都食埋, 我.... 食乜呀咁???

忌 (一住食對眼一住超住肥仔) : 你食咁多做乜喎, 你嫌自己唔夠肥呀!
肥仔 : 下! 我肥? 咁... 你係咩呀

食完蛋糕, 呢兩父女係度玩 "捉" 喎, 真係童心未泯啦
引來成棚人圍觀 ~

忌 : 老豆好渣呀, 咁都捉我唔到!

全方位壽星妹
  
  

各朋友仔在此給忌忌補送上生日祝福 ~

大佬 : 忌忌生日快樂, 笑口常開

JEREMY : 忌忌身體健康, 要好似我咁肥肥白白呀

李肥仔 : 忌忌你要聽教聽話呀, 最好就減下果兩磅方包啦

李皮 : 希望老婆仔你可以改下猴擒食野和唔咬就吞既習慣....... 啦

壹味肥皮忌係度有個重要的信息俾布甸呀, 就係 : -
祝願布甸早日康服, 快D重出江湖, 同我地一齊去威!!!!