1108又行大風拗

這星期艾生笨到wing wing下, 同我講所有節目都不用預他的份喎...... 哦... 沒法啦   即是 "艾生笨, 不遠遊"   不過老豆病是一回事, 阿仔去玩當然又是另一回事啦; 星期六這麼好天氣, 怎能不帶小子出去走走

早有準備的我約了二奶莎, 計劃一探柏架山研木徑; 十時到達山腳, 有人為了幫我買飲品而遲到.......... 咦... 又居然被我發現這東西喎....

水皮 : 契老豆, 你架單車仲係度喎, 冇俾人拆散到呀....你睇下....!!


是日老豆不在, 水皮好乖仔呀, 行了大段山路都沒有搶繩, 相信是因為這段山路牠行慣行熟吧??!  於是過了一會, 我決定冒個要追仔的險, 放牠繩 (我早就預備試試啦, 所以特地帶了家中最殘最霉的狗帶出來 )  哇..... 奇蹟呀!!  牠居然沒有我預期的一放繩就衝, 反而只在我們幾步之前行著, 還不時回頭望喎.. 好叻仔呀  

不久就到了研木徑, 我往下望....... 嘩! 很多梯級喎!!  正在猶豫著好不好搏一搏走下去之際, 有位伯伯走過來告訴我們, 這條通往康怡的研木徑是十分多樓梯; 牠望望水皮, 再跟我說 "不適宜帶哥基這種狗行架!"

哦... 幸好有伯伯指點我們 , 否則就對不起水皮條腰骨了 .....
研木徑, 註定水皮跟你無緣!!


沒法啦, 研木徑行不成, 唯有向我們行慣行熟的老地方 ---- 大風拗進發!!
這兒的風景已影到悶, 於是今次的相片呢............ 嘻嘻... 我們就來點有新意的

水皮 : 哎呀!! 阿四, 你想坐扁我咩!!!!! 快D起身啦


皮 : 痴線阿四係我頭頂玩壓腿!!
我 : 睇我對腳都伸到幾咁直


很難得阿皮爺肯這麼"正經"的坐著喎....


認識了新朋友仔 Ruby!!
第一眼看見Ruby, 我就想這隻一定是混種哥基啦; 但不好意思問...... Ruby主人卻承認牠是松鼠溝哥基, 所以手腳又幼又長; 是她領養回來的, 現已兩歲多, 卻只有十五磅!  真看不出Ruby的年紀居然比水皮大!!

唉.... 又是那些人將不同狗種亂配的結果    不過Ruby很是活躍, 不斷在水皮身邊彈來彈去, 我們唯有將兩個小朋友"抱"起才能拍到這張合照............兩個小朋友都不望鏡頭呀!!


又到必影地點
又來個新意, 這張是"二奶莎與皮"
好難得個傻仔肯這樣乖巧的坐在好日都唔見一面的二奶腳邊喎....


上次水皮站在這兒影的那張相, 被布甸媽說有點 "大地在我腳下" FEEL..... 我完全不覺得囉; 不過這張, 倒有點兒這樣感覺


話咁快又去到目的地, 水皮又爬了上滑梯......頂
指定動作 -------  笑


然後......... 一個不知名的細路, 居然過來 "調戲" 皮爺!
水皮 : 喂, 細路, 你邊度黎架?  對我有禮貌D好喎, 話哂我年紀比你大......


喂, 你摸夠未呀?  我個頭都就快俾你拍扁啦


過了好一會, 細路終於肯走開..... 皮爺才能好好的, 擺下甫屎給無聊阿四拍照
水皮 : 阿四這天愛玩低炒


皮 : 這張叫.......... "倒影" 喎!!!  阿四你玩夠未呀?!?!


回程路上, 遇見了貴婦同學會.... 總共有七隻咁多呀!!


因全程放牠繩, 牠草地又跑上去, 沙地又典上去, 樹葉堆著的石屎地也碌上去....... 這小子實在污糟 + 臭得更不行!!  若回家幫牠抺身的話, 一定做死我    雖然司機抱恙, 我仍決定提早帶牠去澡堂; 伸手 ...........

腸子餓到差點"Lip"埋, call 了 C姐出來跟我們吃lunch, 大吃一餐後, 回家睡死 完再去澡堂接仔吧........

好倦呀的一天呀!!!!!