天之惡作劇

上星期六, Sept 12, 本來早就約好街坊小麥仔去玩 ~
豈料上星期四開始, 天氣又開始變差, 間晴多雨..... 所以最後都取消了約會; 很遂天意呀, 星期六我一覺醒來, 但見外面下勁雨, 當然就跟水皮一齊來個翻身, 齊齊再睡啦

十二時多, Mr SUN居然伸個頭出來......... 連忙帶水皮落街街, 順便給牠來個解手啦.... 嘩, 一出門, 熱到爆呀, 才行了一條街, 已熱得我汗下如雨!!  Mr SUN, 若你肯早點露面, 水皮就不會白白浪費一個週末早晨活動啦  

我見整個下午天氣都那麼好, 當然捨不得困水皮在家啦, 四時多見Mr SUN收歛少許, 就又帶了水皮出街............... 其實, 只要我們有心 + 每天肯用少少時間, 不用花心思和金錢, 帶狗狗在家附近走走, 牠們已好開心好滿足架啦

行到黃昏時份, 人和狗都熱到傻...... 就在這兒歇歇吧
李皮二話不說, 就地一躺, 伸脷抖暑中 

這條長廊, 用來避Mr SUN + 避雨都是上佳之地
(嘻.... 見唔見佢D毛白雪雪呀?  阿皮咁大個仔, 我都係第一次一手一腳幫牠沖涼乍, 連吹毛......辛苦到呢    唉... 皮, 你件雨衣何時才抵家呀 )

這天艾生沒有陪寶貝仔呀, 去了.......... 接它 (狗地老豆等了好幾天啦... 心急到呢!!!)

然後當然要親眼監督河馬Q的合體禮啦!
完成! YEAH       以後皮爺上落阿Q皆不用爸爸抱囉????!

是晚約了狗友們吃飯, 目的是替艾老爺預祝生日 ~
這個蛋糕, 正式名字是 "Coffee and Chocolate Crunky Cake", 別名為布甸媽改的 "金箔波波 + 防盜鐵絲網"   認真有創意呀佢

個蛋糕當然又是在那兒訂的啦 ~ 哈哈 ~ 我對這兩種味麻麻, 但係阿壽星公的飛佛嘛.... 扑鎚!

是日很感謝光頭佬夫婦, 上等富貴人家阿女人仔, 親家跟布甸媽賞面出席呀, 還請阿艾老爺顛拿呢, 多謝多謝

不打算貼餸菜相出來啦 ~ 大家有興趣一看的話, 請移步布甸卜和煲煲卜
其實.... 遲出卜也不是沒好處呀, 起碼可以POSE少幾張相, 免得重覆睇到悶嘛  

這晚光頭佬又來表演一口氣吃掉半磅蛋糕, 又是看得我們........ 拍案叫絕
勁呀光頭佬!!!!!!!!!

除了狗地老豆預祝生日外......... 原來李皮都有禮物收喎 ~
就係呢隻河馬妹啦 -----> 多謝布甸媽

布甸媽, 阿李皮問呀, 河馬妹同佢其實冇乜"關施"乍喎.... ER....你係咪俾河馬仔架????

星期日一早, 狗地老豆的Q5會又來個雞啼活動.... 係咪D阿叔真係唔使瞓咁多呢???  本來叫艾老爺帶埋李皮去........... 當然, 最後阿皮都係被老豆留在家中......... 睡 (星期六晚阿仔已被老豆接回家中)

萬"黑"群中一點白, 好突出喎

玩完拉龍又話去食早餐 + 豆腐花喎........ 還說豆腐花幾滑幾好味 八蚊任堂食 (六蚊/碗打包) ...... 咁平咁好味又唔見狗地老豆外賣一碗回來給我

本來我們打算Mr SUN落山後帶李皮去鯉景灣狗party + 玩波....... 誰料甫開車個天就跟我們來個惡作劇 -----> 狂風大雨 + 雷暴!!!!!!!!!!!!!!!!!  我們一家三口, 就被迫齊齊坐在車中, 欣賞雨景囉, 實在.... 太有詩意啦 

今晚八號風球..... 又是個惡作劇啦!!!!!  八號風球今年往往不會在office hours掛!!!  幸好昨晚沒有接水皮回我家, 否則................. 不知怎樣帶牠去walk呀!!!  我不要在這麼短時間中又替牠洗澡囉  

李皮, 這兩天你就好好享受在老豆屋苑停車場追趕跑跳碰吧!