水皮俾狗蝦@黃雨日

日落夜落, 個天灰濛濛咁, 前兩日仲黃雨, 個天究竟幾時先倒完水架?!  想悶死狗咩    星期六日大好日子, 都要困我係屋企; 呢兩日佢地淨係帶我出去放低幾兩, 行個圈仔就拖我回家啦, 好慘呀

我悶, 估唔到我老豆佢仲悶 (阿媽佢就好少少, 佢攤係梳化睇演唱會, 算有世藝)  無情情拎隻咁野出黎......... 玩我!!!

呢劇野唔係我既玩具呀, 係以前河馬仔仔的住客, 而家等緊入住新屋, 臨時住係我家喎; 你地睇佢騎住我個衰樣幾咁得戚

老豆仲要我歡容D, 大佬, 佢蝦我蝦到上頭頂啦, 要我點歡容呀!!!

之後老豆佢用我的愛波引我 ~ 話影完相同我玩波喎   咁又唔同, 好啦, 俾面愛波我就笑下啦

呢張, 佢似唔似策騎緊我呀
我係狗, 唔係馬呀衰狗!!!!!!!!!!!!!!

隻衰野終於捨得爬下來啦 ~
老豆話, 佢個名叫做 "布甸滔" 喎, 因為佢對耳仔同布甸妹一樣, 樹到直一直
老豆仲話阿布甸滔年紀大我好多, 叫我叫聲佢「滔哥」喎 ~ 唔係卦

你地睇下 ---> 阿滔哥似係練過下Dog Yoga咁喎

你食過夜粥咁又點呀, 哼..... 趁老豆唔覺................
蝦我呀拿~ 騎我呀拿~ 我要撕開你兩邊

水皮你做緊乜.... huh??
「冇做咩呀  我同阿滔哥做body massage之嘛老豆 」

Mr SUN你快點捐返個頭出黎啦!
否則我都唔知我個無聊老豆又會搵D咩出黎.......... 玩佢個仔我架啦!!!!!