紅卜卜孖四尋鵝遊

剛過去的星期六 , 是「孖四」 兼清明暨兒童節好日, 很久很久沒有約狗友出去玩啦, 所以這天特地邀得布甸媽做領隊, 去行燒鵝徑 (即大帽山至深井段), 然後將隻燒鵝吞落肚

約左老婆仔係度等呀..... 都成個月無見過忌忌, 睇下皮爺開心到唔見左條頸
又係引來街坊注目禮.... "隻狗好肥" "冇尾既" "臘腸狗呀" "好得意呀"....... 冇D新意

上到車, 被外母抱住鍚鍚, 真係甜到入心呀 (差少少就露點添  失禮哂呀)
外父就實行... 無眼睇喎

忌水兩個, 真係隨時隨地都可以影到咁合拍的相既 ~

會合女人仔家和布甸家, 起行啦!!!
天氣好熱又曬............. 行不了多久就大汗叠細汗啦

婦唱夫隨... 忌忌一狗當先, 水皮隨後; 這天忌忌好叻女, 長時間自由行呀

是日派米時間特多, 呢個背... 驟睇看以為係水皮, 望真原來係布甸

水皮 : 衝上斜之前先攤抖下
壹壹 : 咁我唔等你啦白痴皮
 

又係派米時間...
我何時變得咁受歡迎呀??  哈 ~ 表錯情添... 大家係狗視眈眈我個袋中的..... Billy's方包乍... 咦.. 布甸, 你望左去邊呀??

原來艾生跟我打對台!!!
布甸妹果然係個鼻最醒目的一個...... 多專注的眼神喔

為食雙姝 (點解現今D女仔可以咁為食架?!?!)
睇下布甸咀下那串............ 口水

睇呢張相, 水皮心口執毛原來離個地下咁近喎.... 下次去澡堂時, 要叫靚姐姐幫佢修下毛先 ~

遮拿咪就傻仔啦, 走去咁猛太陽的地方坐 (乜你唔知淺色會令你顯得更加肥美架咩??)

忌忌就識歎啦, 食飽走去飲啖水

怎麼壹壹會效法阿白痴皮, 坐到側哂身既

布甸 : 阿媽, 有我Madam甸係度降住你, 你放心舉機影佢地醜態啦!

好溫馨的母子合照 (點解女人仔用個仔個頭遮住自己個咀既 ~)

鏡頭背後
「走開啦死肥豬, 又唔知自己肥, 咁熱仲要痴埋黎, 仲唔走開喎... 批踭你丫拿!」

正正經經譚家合照............. 咦... 點解壹壹個咀咁既?  係度喃喃自語中... 我要... 我...

噢... 原來佢係要過去跟艾生合照呀!!!!!
現在宣佈 : 譚家兩位小朋友, 已正式過檔李家, 做左李家狗啦!!

呢條燒鵝徑, 又長兼全係石屎路, 所以對於有對天生異稟手的水皮來說, 算係條苦路; 因為... 佢又行到爆甲啦!!  今次右手傷勢嚴重些, 流血嘛; 左手就剛見紅   不過照例, 佢愛父依然無理佢呀, 又係果句名言 : 「流下血啫, 仲行得嘛, 無事無事....」

幸好有布甸媽和親家幫忙消毒傷口和抹身 (個傻仔手上的血搞到成個肚仔和腳仔都沾到紅卜卜 )  真係唔該哂佢地呀............ 下次出門, 我都要自備濕紙巾才成!!

行到腳軟, 齊齊坐低抖下先 ~
白痴皮在扮死中......  

由十一點行到四點幾, 我在餓到抽筋的情況下, 終於到達目的地 --> 深井啦

六個餓鬼 甫坐低就每人先柯打一枝可樂..... 始柯打餸菜, 終於可以擦燒鵝啦, YEAH!!!!

欲看其他食物相, 請移步往布甸卜

昨天閒來的下李水皮, 咦... 好似重左喎....  相信之前腸胃炎輕了那兩磅已回來啦!!  又係時候實行減磅行動啦