0228灰矇矇彭福

上星期六又去彭福, 今次係玩午更 --- 參加嘟仔和豬姐兩歲生日派對 (生日會相片載于小圈子卜)   是次可以施施然前往, 都係要多謝布甸媽雞啼咁早去到幫我們一干人等霸靚位

我們四家 (譚家, 忌家和主人家嘟家) 十一時多才到達彭福, 嘩, 已是見幾個大隻仔女在靚位處玩不到亦樂乎啦... 計有 BeMo家, Crispy家, 布甸家還有.......... 我不是記得太清楚啦, 是否阿B (或B仔) 家?? 

有兩位大隻仔家長, 一見到水皮就說 : "做乜水皮瘦左呀? 快些幫佢增返兩磅啦!"   不是嘛..... 我才剛幫牠減了一磅呢............. 不要啦, 現在水皮的身型與體重剛剛好, 我不要牠再 "肥" / "大隻" 了 (我不是篤信肥 = 大隻 = 靚的教徒)

四隻肥 / 大隻仔合照
左起 : Momo, 阿B, 水皮, Jeremy

哈哈 ~ 水皮平時係圈狗中, 算是肥 / 大隻, 但一拍埋Momo和阿B身邊, 真係好修長呀   連Jeremy都顯得瘦了點點................. 喔

大大佬 (或係叔叔??) -----> 勁靚仔的Momo

重量級, 46磅的阿B

同個波個shape好似, 個樣似隻熊人的Jeremy

三個半巨躉  ---> 睇下水皮幾咁瘦
- Jeremy知道自己個壽包pat太秀色可餐  所以只肯俾半個大家睇

講到肥 / 大隻... 又點可以少左是日也在彭福搞生日會而特地過來打招呼的蜜棗呢?!

到女子組啦 ~~ 佼佼者當然係為食程度不相伯仲的甸忌兩姝啦   由個蛋糕被抬出來的剎那一直到切果刻, 她們都好盡忠的...... 留守桌下架!!
 望著零食的專注眼神......

食物係唔可以浪費既 ~~


忌忌 : 食得未呀??? 快D派蛋糕啦!!

等食中的皮 (比起樓上為隻雙妹, 水皮係咪好behave呢, 除左眼神有露出渴望外, 沒滴口水架 )  ~  終於搵到位讚下自己個仔

大家認得水皮前面那隻大頭狗是誰呢?

答案 : 係心嫂煲妹呀
阿嫂好有心, 特地來參加細佬既生日派對架


煲妹食相都好斯文 (wakakakakaka 我仲以為呢隻係水皮添.... 就咁睇幾似喎.... 連女人仔都話似水皮 ----> Jeremy  真係唔好意思)

是日另一位開心小朋友 --- 譚小壹
聽講呢.... 呢位小朋友因為食得太多, 所以回家後嘔呀... 可憐囉

最後當然唔少得主角阿生日嘟啦, 睇佢幾咁合皮咁係度踱步

鏡頭一轉.... 大家又估到呢三人一狗在搞甚麼????


之咪係...................... 想影我新抱仔的跑姿囉 ~~ 真係用心良苦也!!
結果.... 製成品如下 :
 "有野食呀忌忌, 快D過來啦...." 忌媽在大叫
 "黎緊啦.... 阿媽... 等我呀....."

 "快 D 俾我食啦....!!!"

他們一干人狗在忙, 我就在另一邊好努力咁影........... 水皮 + 壽星妹豬姐
好難影呀, 兩隻野不斷的在動.... 結果.... 只有這張見得下人, 一齊唔望鏡頭 

*** 喂喂嘟家, 我突然想起... 水嘟兩隻野很久很久沒有影過兄弟合照啦!!!

臨走前我們去蜜棗生日會湊熱鬧......
我不敢抱蜜棗 (因為我知一定抱唔起..... ) 渣屎說要挑戰下難度喎 ~~ 40 磅

原來蜜棗是個幾害羞的小朋友喎 ~~
水皮 + 蜜棗合照 (唔知棗爸有無影到兩隻野都望鏡頭的相呢? 有的話俾張我呀!!)

咁正的場地, 嘿嘿.............. 忌水又點可以不把握一下機會呢

我們走時有門口還遇到了久違了的Hazel仔 (大隻左好多呀佢) 和妞妹.....可惜大家已收埋了相機, 所以沒跟牠們影合照添............ 希望下次有機會啦

                                                   ~ 是日節目完畢 ~