初四運吉逍遙遊

難得今年公司有日額外假期, 初五才正式啟市.... 趁著咁好日子, 我當然又安排了節目啦

先來場0920 "Marley and Me", 嘩! Full House啊.... 原來初四係有那麼多人唔使返工既!!!  套戲OK呀, 個結局... 雖然係一個必然, 但作為一個只對狗熱血的我, 都禁不住流了幾滴眼水   真係好感人呀!!!!

睇完戲回家, 煎了半托蘿蔔糕吃後, 就帶水皮去玩啦    目的地係彭福

哼... 誰知........... 首先露天停車場封左; 好啦, 泊過馬會啦......... 怎料行到入去, 居然見公園關了閘, 無開     很多人都拖住狗狗到來嘛.... 聽到某個男人問那兒的工作人員 "咦.... 今日唔開咩? 係咪呀?"  我聽到對方的回答係 : "唔知喎! 你咪行埋去望下囉"  D人真係痴痴地   我心諗咁你知唔知係邊度出糧俾你呀咁?!?!?!

** 後來才知, 原來彭福初三, 四和七都唔開!! 哈 ~~ 我白痴左添今次

一場來到, 入唔到去都要同個傻仔影張到此一遊相既
隻隻馬都好麻麻, 我好勉強之下才揀了這隻......

取車再向清水灣郊野公園出發..... 哈哈 ~ 都未上到去就見到超多私家車在搵位, 也不用問是怎樣一回事啦, 立刻調頭走!  時為非假日的下午三時正

艾生說不如去西貢? 我說不好啦, 一定無位泊車, 免得過就不要煩!  OK啦, 又朝西九龍海濱駛去...... 哇哈哈, 一如所料, 不准犬隻入內    沒問題, 都照樣拖了水皮在外面行了個圈 (坐左咁耐車, 點都要落地舒展下既) 再返上河馬豬, 這次目的地係 : 鯉景灣

今次好順利, 有錶位啦............ 終於 
遇到隻"哥基"女, 個樣都哥基既, 只係身型不哥基囉   水皮都喜歡跟她玩呀

水皮 : 妹妹仔呀

然後我們在公園那邊, 索性放了傻仔繩跟牠玩掟波..... 終於都見到個傻仔好開心咁笑兼跑到索氣啦   否則真不知帶牠出來幹甚麼, 倒不如在家跑長走廊更好!!!!

初四運吉行大運就此結束, 帶水皮跟姑姐下午茶去  
水皮 : 多謝姑姐封大利是呀

回到家, 六時半, 眼瞓到不行............