Day 5

29/4 (三) 晴

決定去蘭嶼, 第一間聯絡的民宿就是原鄉, 因為在網頁上看到她不是單幢屋, 感覺並不侷促, 但留言後一直沒有收到回覆...正要落決定揀次選時, 終接到回郵, 原來她們的留言板hang了...

第一天逆時針踩車往野銀時, 離遠望到她的屋群, 就有一種我應住這裏的感覺...   依隻雞見到我哋就跟出跟入, 天未光就嘈B吧閉, 可惜依處向西, 否則一定知醒起身睇日出, ... 今日去天池, 諗住在附近食早點, 點知要踩到漁人村才搵到嘢食... 天池起點就係依處, 有啲網友話最好搵導遊帶, 但因為民宿前一晚只有我哋兩個包場, 先前有睇過啲資料, 所以都好有信心自己可以行... 起步無耐就遇到其他人, 途中又換個支啱手型嘅手杖... 相對於係川西行山, 這些都是作吓狀影吓相...    大約一個鐘就到天池了...風景是否很靚就見仁見智, 不過我哋都係處閒逛了個幾鐘才落山...睇過一啲網友嘅相, 如果天池無水的話, 就只是一個有枯樹的氹...

 落山途中望到下一個景點 ~ 青青草原...   青青草原睇日落應該好正, 但我哋出現正正係太陽高照的時間, 所以到此一遊算了...返民宿小休一陣再出發覓食, 原本有檔土匪乾麵好出名, 但幾次都改行請我哋食閉門羹...    經過漁人村再次幫襯魚人7號, 見到隔離枱有人食炸魚, 老闆娘話係噙晚出海捉的飛魚, 真係好好味, 食完我仲教佢買啲沙律醬或者酸甜醬來點, 咁就真係無得頂喇... 依個係開元港附近的舊燈塔已經荒廢了, 因為唔夠時間上大燈塔, 就當頂替吧.  

今晚在民宿訂咗BBQ, 所以玩到5點幾就返去等食兼睇晚霞...   

原來BBQ係外判的, 與上次在小琉球相比, 材料及數量就覺得差頗遠了, 幸好有好多麵包等我哋可以烤多士食...依隻係亞偉嘅寵物, 係等起爐期間見佢帶佢散步, 仲同佢講笑係咪畀我哋BBQ...  原本第一晚係二哥處有安排夜遊去睇野生動植物的, 但唔知點解佢當時只係帶我哋去咗潮澗, 不過因為嗰晚都玩得好開心, 所以我哋都唔好意思問...夜遊最大目的是睇一種叫角鴞的貓頭鷹, 這是蘭嶼的獨有品種, 但又被年長的原住民視為不祥之鳥...

食飽沖完涼, 老公話聽到有啲咕嚕咕嚕好似雀叫的聲音, 帶住頭燈同相機出去沿住聲音的來源遂棵樹照, 終於畀我哋見到佢... 唔晒花錢又可以咁近距離見到, 又可以影到咁清, 我覺得我哋真係好好彩就真...感恩感恩...