苗圃挑戰12小時

苗圃挑戰12小時行42公里今天舉行，由於此賽事已講了數月，又多跑友參加，所以今日消閒都幾多人到。賽事大家期望已久的馬珍大戰由於馬王臨場棄戰而告吹，所以珍姐祇能帶着失望的心而行。

正選！

副選，即係菠蘿雞！

今日差跑步男，如果唔係三team毅行隊伍就齊人啦！

八點，我地呢班菠蘿雞趁公開組(8:15am) 未起步先行，費事塞人。正選雖然後上，但個個鬥志高昂，很快就超越我地！

今日用Wahwah行頭兩段(16K)，不過天氣熱加上Wahwah膝痛，所以沿途不停聽到Wahwah哎叫命，不過時間都唔慢，約三個半鐘去到沙田拗。

去到沙田拗坐下嘆完豆腐花和餐旦麵後便悠悠閒落引水道追珍姐，沿途還和新地慢jog一陣，終於在金山郊野公園追到珍姐和陪行的Johnny。經過我地兩位猛男的不停地打氣，珍姐越行越有，最後為了衝擊八小時完成，竟然沿途慢jog返去，連界百幾人，跑到我氣都咳裡！

雖然最後祇能以8小時2分完成，但三人衝線的一刻也是令人振奮的！

今日兩位靚女在終點做攝記，聽佢地靜靜雞話企咗兩個鐘！你睇，變成望夫石！

全體順利完成，影張大合照！