山頂太平山餐廳

今日我地成Team 放工後就上左山頂太平山餐廳食晚飯, 因為BIG BOSS 係德國黎左呀.!!佢話要上山頂行下睇下!!

上到去山頂好凍不過秋天上去就幾好...秋高氣爽丫嗎!!

BIG BOSS 未到, 係到留下倩影先~!

Jessica & Esther & Mona

第一次黎lee間餐廳食唔知好唔好食呢??

門口睇落去都唔錯!!

入到佢,我地就被安排坐在室外的檯,好正呀.是一個園林外景地方看不到山的地方的, 但都幾浪漫ga..黑嗎嗎,連Menu 都睇唔到.

大家坐定定黎張大合照先!!!

笑死我喇...想點呀？

開餐喇.~~

先黎海鮮拼盤, 我地見到既反應都係"嘩", 比想中像多, 我地order左 3 Sets ar... 每set 要$798 +  $198半隻龍蝦

生蠔, 大蝦, 蟹腳, 青口, 蜆各, 石蜆. 龍蝦 , d海鮮有淡淡地既海水鮮味好清, 好爽, 好甜~正! 平時唔太食生冷野既我都忍唔住要食呀!!!

食完海鮮拼盤之後就黎蟹肉意大利飯,凱撒沙律.芝士莧菜焗蠔.菠蘿炒飯, 牛油焗田螺, 水牛雞翼"...味道都唔錯!! **好彩無叫星洲炒米 "要$138一碟". 成晚我地叫左9酒(紅+白) & 啤酒..成晚好滿足呀!! 飯後再食左個甜品, 那個軟心朱古力蛋糕, PRE-ORDER的, 寫了Ivy的HAPPY BDAY. .....仲有香蕉船!!

今次堆單要14K 呀...多謝Big Boss!!!

下次同Colwen都要黎試下先!!!!

***食完晚飯後, 訓訓下5點幾肚痛...痾左幾次痾到我要投降喇...食食食到腸胃炎返唔到工...(其他同事都冇事!!!)....我下次唔敢食禁多生冷野喇***