眼淚在心裡流

每日我都會有好想哭喊衝動, 有時會忽然覺得好難過, 忍住眼淚時, 好怕有人咁岩見到, 以為我精神有問題, 其實我係出現太多問題; 係人生裡人同事都出現太多令我忍不住想哭泣, 由其係我老公, 咁多年來一直越鬧越兇, 句句侮辱, 另人難撼; 我一直忍氣吞聲, 心酸得想哭出來, 但係佢見到我啲眼淚時會更加鄙視, 只要佢一放假就會開始發作, 總係處處挑剔為難, 但係佢只話我錯先會另佢咁對我, 十年只有憎恨, "癈物、賤種、無腦、狗都不如等等更加難聽更加不撼粗口, 已經係佢(人渣)對我常鬧稱呼。

我係一個學唔精蠢人, 成日重覆又重覆咁做左一啲佢覺得我錯事, 我試過去做, 但係每次都會得到俾佢鬧份兒多, 開口你完全做錯晒, 閉口你拉倒唔洗你做"癈物", 專重係何物? 每次一鬧都要一兩個鐘, 時常叫住離婚、離婚咁, 我好辛苦, 心口好痛, 冇人可以幫到我, 曾經試過同社工傾過, 到左最後都係講一啲冇用說話, 我真係傻到以為帶個老公去問題可以有所解決, 但正好相反, 佢太好口材, 幾句話社工都俾佢感染, 蠢人真係冇說服力, 唔能夠為自己辨護, 好快社工結束左我個file; 所以我常話[有眼無珠, 有耳聽不蕫, 有口難辨, 有理說不清], 只要佢一開口道理永遠係佢果邊, "永遠只有係你錯, 你聽我講就岩, 你冇樣野做得岩"

初時可以為左隻狗懶屎尿鬧我, 佢隻狗懶屎尿到底關我咩事? 對我呼呼喝喝, 後來係乜野大小事都會話我,  廁所板要攞起, 廁所門要保持關閉, 仲要開抽氣扇, 要小啲開燈...一大堆事要記住, 只要我做漏忘記, 就會話"你有冇腦架", 佢唔會接受我係有病由小一直食好多葯物, 影響到記性差容易忘記, 真係一轉頭就冇左件事, 佢只係覺得我冇心記住, 可能係事實, 但我真係會係日常工作上, 日日做住事都會突然空白, 對於以前學業同現左人生有好深遠影響, 又或者我唔多唔小有反判心態; 近三年更為辛酸, 佢一到十點幾開始玩, 要人靜唔好嘈又要唔好開其他燈, 連沖個涼去個廁所都要大吵大鬧, 要我停止所有活動, 仲要句句辱罵難憾, 但係佢自己就好嘈, 常忘形到嘈住我瞓,  正常都會睡不到, 又開又關燈, 門窗緊閉密不透風, 我要局死了, 日日都係到受氣, 好多時都會偷哭出來, 眼淚~~只能左心裡流