《髒話醫生》

從肥仔醫生口中，常常學識很多難聽的說話。我常常提醒自己，千萬不要給他影響，說這些髒話。其中一句就是〝so many people die, why don't you die！〞直譯就是〝咁多人死，唔見你死！〞各位小朋友千萬不要學習，否則就會像肥仔醫生般，肥得黎唔可愛，像被咀咒了般。

我送了我寫的書給肥仔醫生、大力醫生、和小京醫生一段時間後。

我問肥仔醫生：「你睇左未我本書未？」
肥仔醫生：「未。我無乜興趣睇，不過大力醫生睇哂。」

我：「係？」
肥仔醫生：「係。佢問我，你每本書可以賺到幾多錢？」

我：「咁你點講？」
肥仔醫生：「你每本賺二百蚊丫嘛！」

我哈哈大笑：「你知唔知我本書只係賣五十五蚊架炸？」
肥仔醫生：「知！你本書遲D仲會上市，你會全職做作家丫嘛！寫書賺錢，你一定發架！」

我字字鏗鏘地：「so many people die…」