揼骨、中森明菜 - 深圳店

連續幾個星期晚晚10點後先放工，做到個人攰不特止，仲病左一場，上個星期卒之頂唔住，同德仔返左深圳揼骨。

我地事前都上網check過邊d "骨場" 好玩，最後揀左"嘉年華會"。唔知係咪唔識路，本來有好多專車接送ga商業城停車場，居然無嘉年華會ga專車！結果要走去搭taxi。

落車ga時候，的士司機居然話唔收港紙，但由於我地無人仔，所以無理佢。

呢個場都幾大幾靚，但唔係咪我太攰，我就覺得師傅d手勢麻麻，而且仲得個半鐘 (佢當雙鐘喎)，真係唔夠喉。最好笑係揼揼下無lala聽到有鼻鼾聲，完來係德仔！佢話好舒服所以瞓著喎！我就話係因為個師傅無力啫！ha~

因為我地成3、4點先去到，揼完出黎都成8點，所以就去左食野。間"骨場"其實係o係地王附近，所以我地都一早諗定去中森明菜食日本野。

上次廣州果間都算ok，而今次去深圳店亦唔差，原來入面好大ga，人又多，大多數仲係香港人，可能貪佢平掛！

我地點左以下幾款 (價錢唔太記得，但差無幾)：

  壽司併盤 約RMB 50+ 清酒 (買一送一) 約RMB35
  日式拉麵 RMB10
 活魚剌身 約RMB70 + 唔記得名 約RMB30
 吞拿魚他他 (唔記得幾錢)

總之埋單唔駛RMB300，真超值！我地仲約左下個月同antie佢地黎食tim！

本來佢地d service係幾好，但就有一段小插曲：話說當晚我請客 (因為咁鬼平，揼骨又係德仔俾)，當我俾錢 (港幣)時，佢居然話唔收，要收人仔喎！我地無帶人仔，佢就話咁要收貴d，我拎多2個5蚊銀俾佢，佢又話唔收銀，一定要收紙幣，再換番張10蚊俾佢，佢又話唔夠，仲話差5蚊！攪到我拍抬拍櫈問佢：你又唔要銀，我邊度搵張5蚊港紙俾你呀！結果佢又話可以收，我連貼士都唔俾就一路鬧一路走，真激氣！

一間做香港人生意嘅內地食肆，唔係話一定要你收港紙，但你都寫低或講俾人知港紙折合番係幾錢，係咁話唔夠唔夠，你係普通侍應我都可以投訴下，呢個仲要係經理級！唉！

最大問題係以前拎住港幣就巴閉，但而家 "矮" 都無人要，點解仲話香港經濟好? 連大陸都比唔上...