元朗屯門一日遊

今日係我同德仔拍拖周年，由於德仔鍾意海，所以我地幾個月前已經plan左去黃金海岸酒店住一晚，但由於遲下要去旅行，所以我地唯有轉左去果邊食飯，順便行下抖下咁la...

雖然尋晚好夜瞓，但我地今朝10點半都起左身 (我平時11點瞓都要瞓到第二朝12點ga！)。o係屋企hea完一輪後，我地12點就出發去德仔老友度攞車 (由於路途遙遠，所以我地問左德仔老友借車代步)。

上左車，第一時間更係入油la，然後去左7仔買左支水及旦糕，之後就開始由德仔負責揸車入元朗，雖然佢係一個安全駕駛者，但由於太耐無揸車同太遠路，所以我一路都有d怯，最後當然安全到步la...

我地今次入元朗ga目的，其實係想去食下B仔涼粉。我地先泊左架車o係街，跟住就搵下B仔o係邊，原來就o係隔離街！所以我地就將架車泊入停車場，因為比較安全ma！

食甜品之前，梗係要食正餐先la！我地搵左間叫龍島ga sushi店，由左幾碟sushi，一碟串燒同一個三文魚魚生飯，成150蚊埋單，都咪話唔貴。

但d八爪魚都幾大隻，成隻手指公咁大ga！

食完sushi之後都勁飽，所以去到B仔度都無食涼粉，我就食左個芒果西米撈，德仔就叫左個榴槤布甸。

真係唔講唔知，個榴槤布甸真係超......正！第一啖都無咩，因為都係d布甸味，但入面其實係成舊榴槤肉lor，真係好好味！我覺得仲好味過深井甜品店ga飄香lor！

食完野我地就入左屯門行街，之後就去黃金海岸等食飯。本來我地都想行下個海灘，但真係太凍嘞！所以即刻上番車聽歌hea一陣。

有樣野好激氣，就係一去到黃金海岸，就見到交通事故發生：有一個無恥ga綠色的士司機，撞到一隻小貓後竟然不顧而去，我地本來都唔知咩事，見隻貓貓o係馬路中心典黎典去，跟住有一話俾我地知佢俾架的士撞到，有d好心人即刻落車，但可能貓貓太驚，之後入左個草叢入面，我地都唔知最後點，希望貓貓無事la！

7點半，食主菜喇！我地去左香辣屋度食野，雖然佢度度都有分店，但黃金海岸入面都無咩揀，又平又好味都係得佢！

我地先後點左以下食品：牛油雞翼、咖哩羊肶、薄餅、翡翠鏍(冷盤)

食完野我地就揸車返黎lu，因為聽日要返工ma。由屯門至香港仔，返黎都唔駛9個字，揸車其實都幾方便吖。

順帶一提，入到元朗當然有手信la，老婆餅2盒。