轉變

10月22號

上個再上個禮拜四

點解要記錄依日?

因為我放假,由我送你去搭校車

因為已經著好鞋,揹埋書包,你先話:我想痾bu bu

其實No pay leave,我都未必接送,驚佢又唔捨得,好日唔送,一送就遲

結果,送校車尾,當時只係8點15分,不過,我懶得轉車,去咗等的士,等o既人好多,但係冇的士

咁轉等巴士啦,繁忙時間都要等10分鐘

心諗,一定遲,咁就唔好趕啦

去到荃灣,慢慢行去車站,連平時車等人o既巴士,今日都冇車,又等10分鐘

唔通,連個天知道今日Ryan仔想我對佢耐d

Anyway,上到車,係時候問吓佢 : 一陣mimi同你返到學校,你會唔會喊架?

佢答 : 會架....Mimi唔好係門口,mimi入班房

我 : 吓~~唔得果喎,個個小朋友都係自己係學校,有冇daddi mami係入面架? 學校係小朋友既樂園來架,好似遊樂場咁,你都唔會見大人係入面玩啦....

一路講,都唔覺Ryan仔妥協,仲好似眼濕濕添,心諗,如果去到學校,遲到+激喊,真係唔好意思

都唔諗得咁多,就算真係唔想,都一定要返架啦

去到學校門口,有一條好長既膠鍊欄住,連門鐘行唔到去禁

隔住咁遠,Ryan仔已經好興奮咁叫 : 江老師呀,我見到江老師呀頭先,先至苦瓜乾咁話唔返學咋喎

終於,校長見到我地係度罰企,出來開門

Ryan仔一支箭衝入去,校長同佢用洗手液洗手,佢就再9秒9掉轉頭,係笑晒咁同我Bye bye,然後,就連走帶跑咁入課室,放書包,坐低點名

點解,佢係學校入面,做任何動作都快過係屋企幾倍o既