BB碌落床?~

「養兒到一百, 長憂九十九」...這句說話我媽媽以前會講, 當時我認為是過份憂慮而已, 但做了媽媽以後, 才慢慢體會這番話...

話說週六晚謙謙在大人床瞓緊覺, 爸爸媽媽在廳活動緊, 突然「砰!」一聲, 我即時諗到係謙謙碌咗落床...媽媽爸爸即時「標」入房, 由廳到房不過兩秒嘅時間, 但媽媽感到突然好像幾分鐘咁耐, 心諗點解仲未聽見謙謙喊嘅?? 咩事呢? 點解冇聲? 竟然喺呢兩秒可以諗到咁多嘢!~ (神造人真的很奇妙!)

入房見到謙謙喺床度好安然咁瞓緊覺...點解呢? 冷靜嘅爸爸即刻話:「係書房嘅雜物"冼"咗落地咋」...我定一定神先見到, 係喎, 使唔使咁大反應呢??

雖然誤會咗以為謙謙碌落床, 事後我喺房門口驚到手騰腳震, 個心嚇到要跳出唻咁制, 要爸爸安慰一輪先冇事咋!

「養兒到一百, 長憂九十九」... 求主憐憫, 賜下平安!