網誌分類：感覺‧生活 |
生於7字頭，經歷人類通訊模式最快速進化階段。
屋企電話到Call機，Call機到扮嘢大哥大；而家，差不多人人都有1-2部手機。
傳送訊息已經唔只係聲音，電話要可以傳送Data，Window Mobile 通街走。
大家已經唔再鍾意睇咁多字，Facebook..YouTube 取而代之。一句Caption，一張相，一段Vedio，勝過你千言萬語。
呢個係咩都要快既世界，大家鍾意睇影像，夠直接了當。只要間中換下張頭相，你朋友就會知道 you're still active, you're still alive.
到左咁樣溝通模式既世界，的確係好方便，但係愈來愈覺得好Cyborg。
試幻想下，再進化一步，我地下一代會點樣識朋友....
只要你願意，將個人好惡、興趣等等列出，再拍下日常生活一舉一動...等等，填好Template, 再upload上一個platform..let say still Facebook，每一個人，電腦都create左一個profile, 電腦可以即刻可以幫你做Matching，你想要既理想朋友profile就可以通通出現，你係咪想咁樣生活呢?
世界已經再沒語言界限，每人一部Window Mobile以可以做到即時傳譯，唔需要再去學語言，大家只要對住個Windor Mobile就可以得到一把由電腦發音，已經傳譯好既訊息，全世界都沒語言無障礙。John Lennon - Imagine 一段歌詞在腦海閃過: The World will Live as One，你又係咪想咁呢?
我唔需要約朋友去玩，我可以好自我中心。如果想行山，只要去到起點附近，用電腦做Matching，有興趣一齊行既人，根據電腦Filtering，再做Matching，行山隊伍即時形成，咁樣又好唔好玩呢?
呢個世代...下個世代.....人與人之間，將會用咩模式去溝通呢? 你又會點選擇呢?
