腹式呼吸 - 幫你變靚

最近睇既幾本書，都不約而同，提及腹式呼吸既好處，好想同大家分享下，希望你地都變得愈來愈靚，身心都愈來愈健康

有沒留意自己，用緊咩 呼吸方式呢  一般，我地都係無意識地用胸式呼吸。

對於養生同皮膚保養，原來，用腹式呼吸好處大得多呀! 你留意下BB，佢地係用腹式呼吸，其實, 我地一生出嚟已經識，慢慢長大，改變左呼吸方式。

胸式呼吸 - 快而淺: 能夠攝取到的氧氣量較少，因此造成心肺機能低下，對血液循環不好。淺呼吸往往會讓舊的空氣殘存在體內，造成肌膚老化，產生黑眼圈、肌膚暗沉等問題。

腹式呼吸 - 慢而深: 呢個呼吸方式，將大量空氣吸入，再將舊空氣完全地吐出，可以促進血液循環、提高內臟機能，兼排毒。

腹式呼吸在任何時間、地點都可以練習，搭港鐵、等湊放學、開緊會又唔係好想聽、訓唔著，排隊等次所啦....初學階段，最好是在靜止不動時做，比較容易掌握。

腹式呼吸好處仲有好多，呢個係一個放鬆訓練 (relaxation therapy)，可以即時緩和緊張不安既情緒。當你好火，要發脾氣既時間，或者要見工，做 present好焦慮緊張既一刻，腹式呼吸即刻可以打救你。

仲有聽過一個講法，每個人一生都擁有相同既呼吸次數，你用胸式呼吸，消耗既次數快D，相反，用腹式呼吸，灘長左慢慢用，條命仔會長D。

效果最好的腹式呼吸，還要能將注意力拉回在自己身上，甚至彷彿正在關注一股呼吸的氣息在自身如何流動。

點做『腹式呼吸』？

 身體躺平或坐或站皆可，雙手可輕輕放在腹部上方，便於感受腹部凸起或凹下的感覺，盡量保持放鬆，目標是放鬆身心。
 吸氣時腹部凸起（吸氣時腰際要同時用力），吐氣時腹部自然凹下。
 呼吸時，胸部肌肉放輕鬆，肩膀不要上下晃動，將注意力放在感受自己的呼吸上面。
 恰當的呼吸次數是每分鐘四（指吸氣四次、呼氣四次）到六次，呼吸一次共約十五秒到十秒，吸氣或呼氣要和緩順暢、不要太用力，較好的情況是呼氣約為吸氣的兩倍時間（呼氣比吸氣速度慢）。
 呼吸時，吸得越大口越好，越深越好，用鼻子或嘴巴都可以。
 在早上起床後十分鐘及晚上睡前十分鐘練習最好，可慢慢延長時間，但以不超過一小時為限。

腹式呼吸，需要勤加練習才能領會。呢個唔使錢既養生+變靚大法，大家真係要試試呀。