同獎唔同命

買六合彩當然係想中頭獎啦，但係中唔到頭獎，中到二獎或者三獎都已經好好，不過派幾多都真係天意。

六合彩每期都講明頭獎基金，大約係幾多錢；如果一注中正，派彩通常差唔到幾遠；但如果係兩注或以上中，就會係瓜分頭獎獎金。例如一注中正五百萬；兩注中就係每注派250萬。

六合彩難中大家都知，好多期頭獎都係一注中；反而二、三獎中獎注數就好飄忽；有時會好多人中，有時好少人中。例如三獎無差咁遠，通常派彩都有幾萬元；最低只係$9600。

中二獎差別就好大，如二獎有時會一注中，派彩可以超過一百萬；有時會十注八注中，派彩都有幾十萬；可惜有時二獎超多人中，只會有最低派彩$19200(例如有次生果報提供貼中二獎)；可能有時都會問，點解我都係中二獎啫，點解派彩差咁遠呢？

原因係每次頭二三獎，都係根據一條方程式計算，每次都唔同；反而四至七獎係安慰獎，每次派彩理論上一樣；所以中四至七獎的獎金亦好少會改變。

中唔中到頭獎係運，幾多注中同派幾多錢同樣係運。例如十注中瓜分五千萬，同一注獨得五百萬，心理上始終有分別。