做好人, 更須智慧

前幾天看到網友janus的blog文, 是關於一側香港新聞, 有某教會執事與教會中已婚女教友, 發生婚外情, 後女方恐嚇以洩其婚外情, 來逼使男方離婚來跟她結婚. 男方在其不斷無理勒索下, 頓起殺機, 更成凶案.

這個令我想起一些往事... 曾經有次有位太太打電話來找我, 去幫她換抽氣機, 她更明言佢老公出了埠. 我又未結婚又無女友, 難道找我父母陪我去咩?我就直接對她說, 等你老公回來後, 我才好來幫妳修吧. 我更建議她, 如是急需, 可找電召專業人員. 面對這些情形, 大家成年人, 對方又唔係十八廿二小姑娘, 當然唔需要擔心對方點諗, 或者自己有無誤會左對方, 又或者對方反罵自己滿腦子猥瑣思想; 只需要斬釘切鐵讓對方知道自己的顧慮.

以前自己在教會裡幫人睇細路仔, 後來有人來要我去做埋負責人, 我一口回絕, 因為有機會去接觸一些太空人家庭的太太, 男人不好做這些事情, 理應由教會裡的太太來做(這就是教會裡的分工, 我幫手睇細路仔, 已經做到極限了, 其他女仕理應去填補這個空缺). 就算我睇細路仔時, 我都不會單獨一個人對著人家的小朋友, 總會 team up with 多個同工在場.

後來, 世界各地爆出天主教神父戀童癖的新聞, 我就覺得, 教會裡去幫人睇細路仔, 再不可以由男性來做, 尤其成年適婚男性, 更加需要去避忌一下. 我就決絕地不再做了.

曾經有些女仕, 當無其他人時, 就來到我面前怪怪的, 但一到我大方地在朋友面前去跟她們交談時, 對方又會怪怪的請我食檸檬, 有乜野唔可以在朋友面前講呢?  面對如此情況, 當然對這些女仕要份外小心點, 保持一段距離.

做人難, 但做好人更難; 因為做好人, 希望造福社會, 照亮別人心靈, 施恩莫望報, 但總要每行一步都要想清楚才好去做. 而且, 錯誤從來不是發生在一剎那, 而是發生在自己讓自己單獨一個人去面對疑忌.