銷量下跌得最多的消費品

昨天看businessweek, 講到美國消費者在衣履方面的開支, 縮減得最多, 有成9%. 而香港也不惶多讓, 都有4%.....

面對d人延遲買衣服鞋襪, 當然零售商戶就要出招來應付, 就係減價來清舊存貨.

我一直都垂涎某動運店內的一對hiking boot, 但因為原價$275加元, 再加13%銷售稅後, 就會係$320有多無少. 咁貴, 我當然唔會買, 不過, 我久不久就去昅下, 希望有朝減價. 今次終於望到, 大家估下減到幾多錢?

$40.... 無錯就係這個價, 我開心到暈.... 不過, 俾錢時, 個女收銀員就唔多開心, 可能佢心中正在盤算著, 當老闆清完這些存貨, 老闆會否把舖頭和裡面的僱員都清埋.

係歐美, 經濟復甦的力度, 其實是十分脆弱啊.... 而中國經濟復甦的力度有幾大, 大家可能比還清楚了, 不用我在此亂寫.

ps: 在我這裡左近, 已經有很多舖頭關門了, 之後, 那舖位當然空置了. 無論商場內或商業街上, 都開始有空置舖位招租, 又或者商舖不斷掛出減價廣告牌.... 看來聖誕節之後, 這股淡風會吹得更厲害.

還有, 珠三角原本極依賴衣服/鞋履/玩具等出口, 今次歐美這些消費品吹淡風, 珠三角真係最受影響. 希望有其他產口來替代, 可以保持出口和就業吧.