Long Vacation! Finish!

一連五日既旅行日完滿結束! 哩次旅行真係玩得好開心! 有好多驚喜! 識左好多團友! 其中有一家四口既印尼家庭，在哩五日裡面我地三個(阿lo，阿香)用盡所有武功(英文能力)同佢地溝通，佢地家人中既老豆好搞笑，令我地d團友好開心。另外就係一對姐妹，我地三個一開始以為佢地係兩母子黎架! 誰不知係一對姐妹，點鬼知wor! 大既0個個成七十一歲，細既得四十幾，點睇都似係兩母子啦! 係唔係先? 真係搞笑! 仲有原來佢地同上面一家四口0個家人都係印尼人黎架! 真係估都估唔到! 我地仲以為佢兩個係香港人黎tim! 講到d廣東話真係好正! 一d都唔似係印尼人! 仲有就係我地次次講好左幾多點集合，佢地兩個一定唔準時，仲要遲好多，成日唔見人。個大既仲好精ling tim! 另外，仲有對父女，我地三個又係以為佢地係兩公婆黎架! 點知者，男既睇起上黎四十幾，女既睇起上黎成三十啦(我覺得者)! 兩個仲好親熱，原來唔係! 真係搞笑! 佢地係加拿大既中國人，個女起加拿大長大，原來佢畢業做左一年野咋! 得0個兩幾歲咋! 同埋個爸爸原來經已五十五歲喇! 估唔到! 另外，有一對母女，整個行程都好少出聲，冇乜野講。再有一對比較老一dd既夫婦，女既話男既好鐘意飲茶，買左好多茶具(紫砂茶壺)，成幾套咁多，仲要唔平tim架! 使唔使啊? 佢地兩個係成個團買得最多野，可能用得最多錢既一組人。最後一組就係一家三口，父母同埋一個女，最另我驚奇就係個女原來經已二十二歲喇! 我開始以為佢都係岩岩成年者，佢既父母都係一對比較傳統既父母，又係唔多出聲，一出聲就語出驚人，講你都唔信。大陸一共有三個導遊，都係女既，一個係全陪，二個係只陪一日，全陪0個個叫sunny真係做得好好，好識講野，好好笑容，好有親切感，佢都係好年輕，做導遊都係三年左右。講都最搞野就係香港領隊係一個好年輕既男仔，佢得二十一歲，仲要話做做兩三年，咁即係話佢十八九歲經已開始做啦! 起第四日晚上佢打俾我地三個問我地出唔出去行街飲下野落下吧! 佢話大家都係年輕人，又到左最後一晚，一齊出黎玩下啦! 幾經辛苦終於入左一間唔係咁旺既吧度飲啤酒，我地當然唔係飲普通既啤酒啦! 經裡面既人介紹下，我地叫左一支我地唔記得叫咩名既酒，加埋冰紅茶一齊飲，飲飲下我終於忍唔住，走左出舞池度跳舞，間吧唔係大，所以個舞池好細，我諗都企到二十幾個人啦! 不過最特別既係佢個舞池識得彈彈下，好過癮架! 我地差唔多十點幾鐘開始，飲到十二鐘幾，一支剩返少少，不過我同個領隊飲得最多，我飲到high high地，同好多女仔跳到好投人，就起哩個時候佢地話要走，返酒店訓覺，冇計啦! 第二朝要六點三起身，so!!!!!! 就係咁樣我地就熟左，成為左好朋友tim! 佢終於忍唔住口咁話俾我地三個聽，佢原來係做兼職架! 唔怪得做左三年啦!   仲有好多野講! 但唔講喇! 講左重點咪算lor! hahaha!!!!!!  (d相遲少少先至post)