New Way!

今日見阿發放假又悶，上左佢屋企度吹下水，聽佢講起msn度識既女仔同佢玩sms，玩得幾過癮，唉! 衰仔去馬啦! 約人地出黎見下面、食下飯、行下街、睇下戲，更一步增進感情啊嘛! 情侶咪就係咁發展出黎架啦!

之後佢話想去買返一盒即棄既con，話去旅行用wor! 咁咪陪佢去lor。買左之後，我順便搞埋電話轉plan d野。起超無聊同埋冇野做既情況下行左去太古城，冇錯! 係行啊! 由筲箕wan東大街一直行到太古城，係咁依行左一圈走人。之後，係我提出話既然行左黎，不如行返去lor! 佢話冇所謂wor! 之後我話想行0個條百步天梯，佢話唔行wor! 有另外一條，不過短少少，咁我咪跟佢行lor! 哩條天梯係短過0個條少少，不過都起碼有兩百幾級架! 佢條友仔，行左一陣就係累wor! 你唔係啊嘛，佢知佢自己肥就做多d運動啦! 又話著衫唔好睇，成個肚腩突晒出黎。原來哩條天梯係起巴士站對面0個度出返黎架，哩條天梯真係我第一次行，住左哩度咁多年都唔知有條咁既路架。遲d佢仲話帶我行下其他山路wor! 話俾我見識佢細個時候行過既路wor! 聽住先啦!

另外，就係恭喜晒楠哥個fd(我都見過下既)，點解? 因為佢個fd就係今年英皇歌唱比賽(決賽8號)選手得到 '觀眾海選票王' 啊! 雖然入唔到最後兩強，得唔到金咪大獎。但表演得都唔錯。有機會大家要切搓下至得(笑~~~)。