呃飯食呃禮物~青葉!!!

6~Nov~2009(五)

兆萬青葉放題

Frances & Rachel仲有藤田裕美

本來同Frances約會係星期六

點撞正"正正BB生日party"

所以臨時改咗星期五

放工即刻去到旺角

時間剛剛好

我仲可以去十蚊店走一轉

~青葉~

我之前幫襯過觀塘嗰間

都唔錯

見Frances話呢間唔錯

今次試咗都幾好!

去到仲發現有個優惠

生日前後一星期

4-7位可以有一位半價

8位以上可以有一位免費

我最鍾意有汽水任飲

咁食嘢先食得開心嘛!

服務水準唔錯

因為我都食過好多次放題

次次都食到谷鬼氣

好多時都嚟少咗嘢

呢間嚟嘅食物都有90%準

祇係有啲食物你寫十件佢嚟六件啫

總體都唔錯

仲會主動問你嚟齊未

但有一樣要注意

佢任食兩小時

夠鐘半小時前截單

仲鬼死咁準時

多一分鐘都無!

所以嚟呢度食嘢

乜都唔好講住

叫齊嘢食飽先慢慢講!

睇下Frances同Rachel幾咁快寫呀寫呀

食物有好多選擇架

魚生、壽司、鍋物、壽司飯.........仲有甜品生果!

我地起碼食咗四五轉魚生

千祈唔好叫壽司呀，淨係食飯都包晒

點食得咁多啫!

回本嘅蝦天婦羅

我地總共叫咗3次共45隻都嚟得好齊

估唔到Frances同Rachel係勁鍾意食

出邊食呢度起碼$300

雞翼好普通

秋刀魚同鯖魚OK

嘩，呢個芝士三文魚壽司超好食

手卷啲飯都好好味，唔錯，可惜啲餡少咗啲

唔怕，自己加塊三文魚上去咪正晒囉!

海鮮鍋同地獄肥牛鍋都好好味

不過個地獄鍋好辣架!

呢個前菜螺肉就小氣啲啦

每份得四粒

串燒無乜選擇

呢個雞軟骨好好味

仲有我至愛涼粉呢!

埋單前有紅豆雪糕送

睇下Rachel佢唔食得生嘢

一路等食雪糕等到睇咗

仲一路餵雪糕仲係未瞓醒架!

之後Frances話要盡興喎

帶咗我地去"發記"

入到去原本想食呢個西瓜黑珍珠

點知俾我見到有綿綿冰

仲做緊價$29(原價$36)

今次又要多謝Frances

佢好鬼快咁攞埋張單走咗去俾錢!

Rachel叫嘅士多啤梨布甸

整得好靚

裏面仲有士多啤梨粒架

裕美叫嘅芒果綿綿冰

我同Frances嘅榴槤綿綿冰

好得意有兩粒糯米糍仲有紅豆

多謝裕美嘅禮物

呢個字母模好得意呀

等我諗下整乜嘢甜品先!

多謝Frances咁有心思嘅禮物

我真係諗唔到

你仲用咗我最鍾意嗰張相做

我好鍾意呢套劇!

真係好開心

識到呢班老友

仲有飯食有禮物

真係唔好意思啦!!!!!!