生日(一)!!!

3~Nov~2009(二)

今日好凍

得16C咋

記得著多件衫呀!

2009生日(一)

一早仔仔同我講

佢今日返半日

問我使唔使同我食晏

淨係呢句說話

已經好窩心

囡囡就成日都攬住我錫架

朝早同大老爺去呢度食早餐

聽講啲牛肉米幾好味喎

朝早無咁多人

我無食佢最出名嘅奶茶紅豆冰

因為一早都想飲熱奶茶

我叫咗沙爹牛肉麵

大老爺叫咗雪菜肉絲米

個沙爹牛肉麵真係唔錯

夠辣之餘又唔會乸到無肉味

個奶茶就唔夠茶味啦!

食完大老爺話出花墟買花喎

雖然我好鍾意人送花

但唔係自己去揀囉

你明唔明架?????????????

結果都係先返咗屋企

大老爺攞咗相機就出發

去一個我四年前都想去嘅地方

~美利樓~

四年嘅生日前夕

曾經同大老爺透露

好想佢陪我嚟呢度

坐係餐廳露台位

食下嘢吹下海風

最終佢係唔會記住架

今天都係要我帶佢

先識得入嚟

大老爺基本上係乜嘢地方都唔識去架

坐架巴士全部都係遊客

平時搭車好少人

我最鍾意放假嚟呢啲地方

唔使同人迫

入到去就周圍影下

啲建築物我有特式

呢條新建嘅走廊好靚

今日個天好藍呀!

呢隻艇仔掛住啲魚係度曬

見唔見大老爺好專心咁影相呀?

原來呢度有間海事博物館

續(二).................