《一生一世?!?》

好耐好耐冇update lu.....其實呢幾個月都發生o左好多o野, 有開心亦有唔開心....有好多o野都好想記低佢, 但係都因為冇心情, 所以最後都冇記低.....

依家寫唔番之前發生o既o野o架喇, 因為我依家已經變得越o黎越冇記性喇.....好多o野, d人依頭同我講完, 轉頭我已經忘記得一乾二淨~

其實我開o左個《Love Story》category已經好耐o架喇, 好想寫一d自己o係網上面睇到, 或者收音機, 甚至係朋友度聽番o黎o既Love Story, 亦都想分享少少我自己o既睇法or感受~

見到身邊好多朋友都結o左婚, 最近又成日去探人o地d BB.....身邊o既朋友同屋企人都成日問我幾時結婚.....有時諗, 我係咪真係要結婚呢?!?係咪唔應該再諗咁多, 唔好再搞咁多o野呢....o拿o拿聲結婚生BB咪算囉, 我年紀都唔細喇, 如果要生BB就真係差唔多o架喇.....

但係我又真係未有心理準備去做人老婆做人媽咪喎....同埋我覺得結婚係一生一世, 當我決定o左要嫁果個男人o既時候, 我就唔希望有悔婚或離婚o既一日....

點解我會咁講, 因為之前聽過一個舊同學o既故事......話說呢個舊同學已經有一個拍o左好多年拖o既男友, 而且仲要去到談婚論嫁o既階段, 酒席都訂埋.....但係到最後個女仔竟然為o左一個新相識o既男同事, 而同未婚夫分手.......最諷刺o既就係佢呢個新男友本身亦都同樣有一個已經買o左樓準備結婚o既女友......

我真係唔明, 點解可以咁兒戲, 點解兩個都可以為o左一個新相識o既人而離開一齊o左咁多年o既伴侶~

我都明, 有時一齊o左咁多年感情一定會變淡, 但係真係可以話分就分?!?!對方一d值得你愛o既o野都冇咩!??!咁多年對方付出o既o野都白費?!?!或者我應該好佩服佢o地o既勇氣.....至少我就冇呢份勇氣喇~