《中學同學聚舊邊爐夜》

《中學同學聚舊邊爐夜》

最近o係facebook同番好多舊同學相認…今日就約o左一個好耐冇見o既中學同學打邊爐, 咁我就緊係約多幾個好傾d o既友仔一齊出o黎啦…今次除o左Tammy好耐冇見之外, 我仲約埋阿中, 阿雞, 阿軒, 同Phoebe….阿雞同阿軒都唔記得邊個係Tammy喎, 但係佢o地都話冇所謂, 照出o黎hahaha….其實之前一路都驚阿Phoebe姐會放飛機o架, 我幾乎日日都msn提佢, 最後佢都有出席, 佢本來話有第二場, 但係最後佢都冇走(因為話費時出番去TST喎), 仲同我o地一齊食糖水添…不過阿雞就要番屋企陪老婆, 咁就冇出o黎, 佢唔算放飛機, 因為佢幾日前已經同我講話今日得佢老婆一個o係屋企, 所以要番去陪老婆…冇所謂喇, 陪老婆緊要d, 佢個靚靚老婆有o左BB, 緊係事事以老婆為先啦…食飯幾時都得啦~

由於我o地大部份人都係住沙田, 所以我o地去o左沙田間稻香打邊邊…約o左7點鐘o係沙田火車站等…阿Phoebe姐放5:30 pm, 所以我都一夠鐘5:30 pm就即閃, 搭車番沙田陪佢行陣街先, 行o左陣阿軒都到o左lu, 佢join埋我o地再行多一陣就去火車站喇…join埋Tammy就一齊行過去稻香, 阿中話要番上大陸睇睇佢大陸間屋o既裝修喎, 本來話7:30 pm到, 但係最後都成8點鐘先到, 我o地咁有禮貌緊係會等埋佢啦, 不過就緊係食住等啦heehee,….之後就一路食一路傾傾傾, 傾o左好多o野, 講番以前讀書o既o野, 又講o下大家o既近況, 又八o下其他同學仔 (冇o黎果d) o既近況, 講o左好多o野, 又笑o左成晚…食到10點左右就埋單啦, 之後去食糖水lu…阿中女友Kammy都放工喇, 就join埋我o地一齊食糖水, 本來阿軒話好攰唔去同埋佢唔係住沙田, 所以阿中係唔會車佢番屋企o架 (我諗其實因為佢唔係女仔, 如果唔係阿中都可能會車埋佢番屋企o既…hahaha), 我o地緊係唔比佢走啦, 結果佢緊係有去啦…我o地去o左顯徑食呀…食到12點左右先走呀, 之後阿中就開始逐一車我o地番屋企lu (當然除o左阿軒啦, 阿中車o左佢去附近o既車站就 "pat" 低佢lu)~唔該晒~

好開心咁過o左一個愉快o既晚上^^