《行o黎行去, 行到腰骨痛呀》

2008年10月15日

《行o黎行去, 行到腰骨痛呀》

尋日先話手頭上o既o野做晒, 今日又有好多"林嬸"o野做囉, 成日o係度行o黎行去.....其實平時都成日行o黎行去o架喇, 我又覺得冇乜o野, 咁都好過成日坐o係度對住個mon, 咪當做o下運動減肥囉......但係今日真係行得比平時多, 仲行到腰骨痛添....本來諗住今晚去跑步, 但係都跑唔成喇, 因為實在太攰喇, 要抖抖喇, 唯有睇o下聽日睇完中醫先啦.....

講起減肥, 我想update番大家喇, 我已經達到第一個目標喇, 我o既體重已經回落番去雙位數字喇.....其實一路都冇磅, 只係上次帶妮妮去desex o係vet度磅過o下, 果時著住出街衫磅就102左右啦....上個禮拜去"長隆", 酒店房個toilet入面有個磅, 我緊係令自己著到最少衫去磅喇....結果係97.5.....腰圍依家徘徊24.5啦.....我會努力(不過已經懶o左好多lu)達到去第二目標.....

但係尋日, herman過o黎SSH見到我, 第一句就叫我"要食番多d o野喇"....唔通我真係太瘦?!?!?

上個禮拜呀, 我放工搭地鐵比兩個肥婆撞.....話說果時o岩o岩去到油塘, 我就準備落車, 我本來一路都係向住度門o既中間行緊o架, 咁果兩個肥婆就o係我右邊平排行, 點知佢o地一見到度門打開o左, 就好似失控定係佢o地控制唔到自己o既動作, 於是就係咁, 我比佢o地一o野咁撞o左埋去我左手邊果幅玻璃度....我冇嬲, 我只係諗, 佢o地太肥太"輪盡"啦, 而我就緊係太瘦、太輕啦, 所以先比人一o野撞埋牆啦....呵呵呵~

***********************************************************************************************

Miss祝妳對孖仔秉濤&秉燁都身體健康、快高長大、聽教聽話、聰明伶俐、高大威猛、靚仔又有型^^