《探哥哥》

又到o左一年兩次探哥哥o既日字喇, 我o地每年o既"清明"同"重陽"都會去探大哥.....今年已經係第11年lu.....記得頭果幾年, 阿哥果時葬o係"粉嶺", 我o地每次去探佢都用o左大半日o既時間, 搭車一來一回都搭兩個鐘, 仲要行上山, 一上一落行成個幾鐘.....都幾辛苦o架.....好彩近呢幾年阿哥已經搬到去大圍, 我o地依家一家人五個人搭的士上去, 都不知幾舒服, 又唔洗行喎....全程最多只係兩個鐘.....最緊要就係阿媽唔駛行得咁辛苦呀嘛~

~我仍然都好掛住你呀~

**********************************************************************************************

探完阿哥之後, 我o地出o左去旺角行街呀....仲買o左個$400 o既headphone呀, 好貴呀, 如果你唔係sponsor我, 我一定會唔捨得買囉.......其實之前我聽歌好"求其"之嘛, 用我部電話加handfree聽之嘛, 但係前排你又買o左個bluetooth handfree比我 (你好好呀, 你買o左我最鐘意o既粉藍色+白色組合呀), 話咁會冇咁多線"click"住晒喎, 依家又sponsor我買個咁貴o既headphone (呢個headphone仲要襯埋係白色喎).....你就o黎縱壞我喇....不過你又講得o岩o既, 我一日坐咁多個鐘頭車, 咁多時間聽住歌, 又真係應該對自己好d o既.......anyway, 多晒~

我會好好咁對待, 同保存我呢套名貴o既隨身音響組合o架喇~