《睇中醫+跑步+飲藥》

2008年10月02日

《睇中醫+跑步+飲藥》

我今日心情仍然唔係咁好, 所以我冒住"三聚氰胺"o既危機都仍然去pantry沖o左杯朱古力飲, 希望個人會開心d啦.....

晏晝d同事話去《壽司亭》食lunch, 是但啦, 雖然我唔食得魚生(其實都幾慘, 因為我真係好鐘意食魚生o架), 我食燒肉飯囉, 佢呢度果d係定食set, 有好多o野食, 有湯、有沙律、小前菜、蒸蛋同和菓子做甜品, 當我食完我個飯之後, 每次都跟住會食蒸蛋, 一路食就"畢"o左粒蟹柳食, 之後我仲想搵o下仲有冇蟹柳之際, 我突然醒起我係唔食得蛋o架, 仲有蟹都唔食得, 雖然佢o既蟹柳只係用魚蛋果d料做, 但係我連魚蛋都唔食得呀嘛, 於是我就即刻"pat"低個杯仔唔食.......

放工又去睇中醫lu, 其實尋日都可以去睇, 但係我30號果日飲o左d酒, 我驚比醫師發現, 所以"抖"多一日先睇........醫師話我有d心煩喎, 哎呀, 又比你知我唔開心添.....仲有呀, 醫師話我今日d脈好好呀, 不過佢話估計我要睇多六、七次先好番喎.....哎呀, 救命呀, 好慘呀.....我要食o野呀.....同事, 下個禮拜我都係去唔到BBQ o架喇, 我仲要戒口呀........

之後我諗住去惠康買少少o野, 順便"禁"錢喇, 點知, 我"禁"極都唔接受喎....到底咩事呀, 唔通我o既失憶症又發作, 又唔記得密碼(因為之前我試過唔記得o左某張卡o既password, 搞到我超手緊, 勁冇錢囉), 結果我用octopus比o左錢先囉.....食埋o野、拎埋藥就返屋企lu......

抖o左個零鐘就落去跑步lu, 我已經成三個禮拜冇跑步lu, 自從上次跑完步發生離奇受傷案之後都冇跑lu, 條"啦"仲o係我隻手背度, 仲未退呀.....不過其實唔去跑步都唔關呢個離奇受傷案事, 其實都係我懶之嘛, 同埋呢排又忙住睇中醫, 飲完藥個人又好攰喎....不過, 其實連續跑o左一段時間, 都係要停一停, 因為繼續跑有機會出現"平台期", 即係話會停留冇進展........不過算喇, 其實講咁耐都係因為我懶之嘛^^

(唉....今日執文具果時隻右手食指又反甲喇.....痛屎人喇 >.<)

跑完basic路線, 再跑多陣, 大概跑o左半個鐘啦......因為我跑跑o下, 我個bluetooth headphone跌o左落地呀, 哎呀, 爭d跌埋落河添呀......唉, 算啦, 咁耐冇跑, 費時谷得咁勁啦.....行o下、再拉o下筋就返屋企喇.......

沖完涼、敷完mask、磨完砂, 又要飲藥喇, 今次d藥一入口就覺得好苦, 同埋好"杰"喇, 我飲o左半碗就頂唔住, 要食粒加應子抖抖啦.......救命呀, 好苦呀~