《破戒喇》

2008年09月14日

《破戒喇》

唔記得約o左兩點定兩點半過到阿姨屋企lu, 我最後好似四點帶埋妮妮過到去...去到佢o地已經開始打緊牌lu, 其實我唔打都冇乜所謂, 因為我都唔太想打......之後又開多枱o係阿姨間房打.....嘩, 我成四圈都冇食過一舖糊呀, 不過執o左位之後, 又好番d喎, 最後中場休息, 我竟然有錢羸喎

今日又要飲藥呀, 我叫o左老豆煲好d苦藥帶去阿姨屋企比我飲呀.....唉, 真係好苦呀

開飯lu......醫師話我食得雞同冬菇, 所以我主要係食呢兩樣, 至於鮑魚、花膠、海蔘, 唔知食唔食得, 唔理喇, 照食.....hahhaha, 其實我覺得係唔食得o架囉, 因為當佢o地新鮮未曬乾之前咪又係海鮮......不過, 我就冇食到牛肉、蝦同蟹.....

食完飯又繼續開枱.....今日好高興呀, 連住粉嶺o既舅父都冇走, 繼續留低打牌呀.......我o地一路都開兩枱打, 打到點幾鐘, 佢o地就食小明o係日本買番o黎o既長腳蟹喇(小明同sugar尋日o岩o岩去完日本返香港), 當我知道佢o地o係日本買o左隻長腳蟹番o黎之後, 我都已經講, 我會破戒喇, 我諗阿醫師應該把脈把唔到我食o左蟹卦wakakka, 結果我真係有食, 食o左兩啖啦, 都唔好食o既, 一d都唔鮮甜, 最好食都係上次o係東京食果d長腳蟹, 果次d蟹真係超鮮甜呀, 超回味呀.......

食完再打, 打到兩點幾, 我老豆就話唔打喇, 佢想返屋企喎, 但係我阿媽見大家咁高興佢唔想走住, 咁我老豆就話佢自己搭通宵地鐵走先喎, 最後老豆、媽咪、二哥、二嫂佢o地一齊搭的士走先lu......其實我唔係太想打o架咋, 因為我真係唔想捱夜, 我想同小明兩份, 由小明打, 我就訓覺先, 但係佢又唔制, 佢話要同泳健兩份喎.....最後我又繼續打, 因為見舅父冇走, 費時掃佢興啦....結果打到七點幾, 全日羸o左二百蚊.....唉, 真係辛苦錢o黎o架......之後我o地落o左去飲早茶, 飲完番o黎九點鐘先訓覺........好攰呀