網誌分類：書呆子 |
圖片
網誌日期：2008-10-08 23:16
自從冇左 怪異集 之後，一路都冇買過鬼怪公仔書... 去年某天，無意發現左呢套有關鬼怪靈異既漫畫書... 膽粗粗買左第一冊黎睇，雖然冇地道既 怪異集 咁好睇；但總括黎講又 OK 咁啦... 結果就一路買左落去... 如今 台灣角川 版先出到第 7 期，日本原版就第 9 期... 唔知一共會有幾期呢?!
Anyway, 個故事其實好簡單，講一班各有異能既佛教大學生加入左一個叫「義工之友會」... 由於各人希望用自己既異能去做點事，結果開始了「替死者實現殘存願望」既工作；例如幫客死異鄉既屍體送番自己番屋企咁啦... 而「黑屍體宅配便」既故事就咁開始喇...
「黑屍體宅配便」成員：
佐佐木．碧 - 情報收集人
沼田．真古人 - 屍體搜索
唐津．九郞 - 興屍體對話
槙野．慧子 - 屍體修復
谷田．有志 - 與外星人溝通
除此之外，呢本漫畫既封面都好特別... 每一期都由碎屍組成... 簡單得黎... 唔驚嚇又幾特別...
