跟了Angel第８７天。。。。。

２００８年新年快樂~呢篇Blog今日已經打左第三次了=.="
都唔知發生咩事...= =
放左幾日假..可以休息下了...
休息等於同網絡世界隔絕~因為屋企仲未整理好...應該係我自己比較懶呢= =
不過趁呢幾日放假...都搞得差不多了~應該下星期就可以完工了~呵
打返呢幾日發生既事先...嘰...
30號約左友人去睇戲...睇驚天奪寶..
真係十分好睇耶~兩個幾鐘一點悶場都冇呢~
誠意推薦....我諗應該會出下集的...呵
睇完戲就返屋企整野了~~
裝返好部電視...一路整我一路係度諗...
呢部萬幾蚊既電視係唔係高清電視呢...如果唔係...買咁貴咪好蝕xDDD"
不過算啦...我都唔係成日係屋企睇電視啦...
整野整到十二點幾就訓左了...
31號的早上...一早約了媽媽去飲茶...
飲完野陪媽媽行左陣就出去搵友人借相機...
我部相機已經去左學跳水了XD"...
借完野就拉埋關小姐陪我過會展了~
點知等到7點幾就已經被人遺棄了~得番我自己一個...=.="
不過算啦...等到九點幾就見到了~
只要見到妳就咩都唔緊要了...不過知道妳仲未好返呢...擔心死了>.<
本來有好多好多野想同妳講呢...不過...見到妳仲未好返...都忘記晒要講咩了...嗚...
有人話如果07年最後一日見到最想見既人..咁08年就可以成日見...
我最想最想最想見既就係妳呢....只要見到妳..就十分足夠了~
見到妳就回家訓了....因為feel到自己好似病病地咁...想不到這一年的除夕我俾左周公=口=
1號...新既一年新既開始...呵
不過呢個新開始...我真係病左....一早打左不下四十個噴嚏...
食左兩粒藥...訓到點幾就約左餅姐落九龍灣宜家傢私
要睇埋最後一樣傢私電腦枱了~
睇中了~不過過幾日先有貨...所以過幾日先再去啦....哈...
行到7點幾就返屋企休息了...

誠意推薦~絕對值得去睇...

『想想天的一邊 亦有個某某 在等候 』