超激氣 - 返PG俾人"蝦"

近來公司實在太忙, 返到屋企又要照顧蠶少實在冇時間寫blog, 但今日返PG時蠶少被人"蝦", 但我竟然冇反應, 深覺懊悔之餘, 亦覺自己實在太懦弱!

其實小朋友還少, 間中有爭玩具的情況都會有出現, 實在不足唯奇.  但今次搶蠶少手上的糖的竟然是個"老人家"

事緣今天是Halloween, 落堂時(大家仍是圍圈坐)每個小朋友都可在南瓜籃取一包糖, 然後把籃子傳給下一位, 剛巧其中一個小男孩也有這款南瓜籃, 這個小男孩取了一包之後, 放在自己的籃子內.

然後老師與小朋友們來張大合照, 蠶少走到老師旁(當時手中仍有糖), 不久已不見了.

圖1) 蠶少的糖已被人取了 (我當然見到係邊個啦! )

圖2) 蠶少唯有與小女孩玩老師的南瓜籃, 而另一個女孩在玩的正是該小男孩的南瓜籃

遺憾當時冇拍vidoe...

之後蠶少起身見到那小男孩的南瓜籃, 顯然見到裡面有一包糖, 於是就拿起了, 老人見狀, 馬上走到蠶少面前一手搶了蠶少手中的糖, 然後走去遞給她的孫仔, 但見孫仔手上已拿著一包, 口中還唸唸有詞: 乜你攞左人地個包呀!  隨即把手中的糖掉了! 

實在太突然, 我從來冇諗到一個老人家會做出如此行為!!!

亦因為當時太多家長, 我真不知如何開口才不至於罵戰的場面. 

以沒有甚麼EQ的我, 如果開口一定是: 阿婆, 你做乜搶我仔包糖?!  我唔想到時俾人覺得反而係我冇家教囉!

不過覺得好唔開心係我怪自己好似鵪鶉咁, 見到個仔被人蝦都冇反應, 仲由得人地大無私樣好似好啱咁!  真係要諗諗假如再有下次要點做!

圖3)  小男孩手中的糖(紅圈), 本來就是蠶少的...

其實才不過一小包糖...

很明顯小朋友都是跟大人學!  果然教導有方!