終於買左 1 件衫比妹豬~

放工一心想去車厘哥夫買曲奇, 一定必經花園街, 我一路行, 沿途又比 BB 衫吸左埋去, 我比呢件衫既公雞 monogram 深深吸引住, 通常 BB 衫都係好可愛既小雞 / 小鴨, 今次竟然比我搵到公雞, 連我老公都話甘拜下風~

呢件衫係 for 3 個月既 BB 著, 當我 4 月頭生, 3 個月後係 7 月, 一定係夏天, 呢鑊一定冇買錯~  件衫仲要只需 $10, 100% cotton~

返到屋企, 見到 99 放低左既初生嬰奶粉, 佢幫我地叫佢既醫生 / 姑娘朋友留比妹豬既, 聽聞食雪印 BB 會白淨啲, 同埋 99 話雪印佢朋友除左有初生嬰奶粉, 將來仲有大仔奶粉留比我地, 可以慳多啲錢, 唔理妹豬將來食唔食雪印, 攞左返來先算~

等 99 朋友再儲一堆, 就再攞~同埋其他孕婦奶粉, 口水肩, 拳套, 床墊........都係 99  攞返來既, 我今晚先認真睇一次究竟有冇, 原來我已經有沙巾, 仲托人買左 3 打添........ 我好 cheap 架咋, 唔駛錢我乜都要, 唔會買名牌比妹豬架 ~