Aprica Highchair 625

今日 Halloween, 一如以往, 唔會有乜野慶祝 / 特別活動~

今朝一早請老公飲茶 ( 我放左啲日元賺少少, 當然我要佢請返我 tea & dinner ~  ), 之後帶佢去見識乜野係 Aprica Highchair 625, 我地去左 Sogo 睇呢張 BB 食飯用 Highchair, 0-4 歲合用, 當妹豬仲係 BB 時, 放平最盡有170度做搖搖床(平搖 &千秋搖), 唔駛郁啲搬張 BB 床出廳又可以"目及" 住佢; 另外佢有餐檯可以插番住變做 high chair 食飯, 我班網友好多人買左呢張, 佢地趁永安減價時訂, promotion 做$ 1988, 我今日去  Sogo 睇, 正價$2900左右, 相差成 $1000 個大洋呀 ))))))))))))))))

永安減價時我冇買, 因為當時未做功課, 唔知呢張野咁好用, 我唯一希望妹豬將來可以乖乖坐定定同我地同枱食飯, 好怕小朋友食碗飯通屋走, 呢啲我就想從小培養佢, 唯有等下一次減價時再睇啦~

之後去睇相機, 由於我細個時冇乜相片, 我好希望可以同妹豬影多啲靚相, 拍 Video, 所以今日好認真咁去 Fortress & Broardway 研究相機, 平時我好怕研究呢啲電器 / 電子用品, "說明書" 更係我一生人最害怕睇既書...............target 睇中 $3000 左右簡單易操作既 DC仔, 比部 1 萬蚊既相機我, 唔識用, 都係一樣~  而家等聖誕同新年, 應該會減價, 希望再平啲啦, 或者到時又有新款~ 

跟住行到去 Times square, 見到有關 Halloweem 既佈置, 我就叫老公幫我影相, 我地平時好少會做出呢種行為, 因為覺得自己似自由行, 都係為左妹豬, 將來比佢睇吓媽媽陀住佢時既樣, 呢張相既我係"豬"胎暗結左 4 個半月, 可惜佢爸爸依然死唔肯入鏡....   饒佢一命啦, 下次同朋友有 function 先焗佢影合照~

今日我好叻, 行左好耐街, 要讚!!!!!!!!!!!