練習剪腳甲

今朝訓醒覺, 唔願起身, 係張床度繼續灘, 我面向天, 睇吓妹豬攪乜, 我望見自己個肚皮彈吓... 彈吓, 佢又起左身喇, 我唯有乖乖起身食早餐啦~

尋日係 Ada 結婚既日子, 為免相沖, 所有紅白二事我一律唔到, Kammy 大肚都照去...我淆底啊~ 尋晚就派左老公去銅鑼灣翠園飲, 而我就約左 11 月結婚既朋友係另一間翠園食晚飯~

啲蘋果仔係 Auntie Penny 請我同妹豬食既, 席上一人一個, 我有妹豬, 所以有 2 個, 本來打算同老公 1 人食 1 個, 佢話不如兩份食 1 個, 留番 1 個比佢老人院亞婆, 佢話亞婆應該未見過咁細既蘋果~

8 個橙係老公尋晚去飲, 班朋友唔要, 老公攞比我既~ ( 佢試過去飲, 點啲o靚仔抽 2 打橙返來比我 )

2 條蕉係我今日買來孝敬老公既, 我唔食得蕉, 老公中意食 ( 我 62 曾經笑我夠膽買 2 條蕉! 1 條我都敢呀, 照磅咋麻~ )

***********************************************************************

夜晚我想剪腳甲, 叫老公練習幫我剪腳甲, 佢好粗魯, 剪完又同我挫, 好痕, 忍唔住笑, 做坦己都唔係咁好受~

妹豬, 第時亞媽幫你剪手甲腳甲, 你老豆靠唔住~