佳偶天麟

文仔結婚了, 係呀.....大個仔喇,
好開心, 但因為我之前一日被迫剝牙,
根本食唔到乜野, 都係決定唔去飲,
聽阿Win講, 成圍得佢一個, 其他人都唔識, on居居.

齋坐唔係問題, 本來都應該咁做,
但係身體實在唔係咁舒服,
希望文仔能夠諒解, 我就唔係咁諒解到我自己......

本來可以用心D幫文仔影相......
但身體狀況比較差, 係啦, 個天又玩我,
文仔結婚咁大件事, 未能一百巴仙投入.

尋日咁啱仲要係姪仔Owen滿月.....唉.

新娘成日笑到四萬咁口, 文仔呢.....好緊張樣, 仲搽粉......

梁太話我地坐個位置, 啱啱淨係見到文仔.


文仔專心到呢.....新娘好alert個鏡頭......但係我影戒指咋.

文仔呢一「跳」, 究竟拎到幾多分呢......其實點解後面要有個分牌??

文仔, 唔好成日掛住望鏡頭啦.....仲要俾個三七分面我,
我真係hold住左個快門, 唔知影唔影好.....

敏敏見我影佢部愛機, 即時交足戲俾個得戚樣我,
以為實睇唔到, 點知又幾好喎.

小森全程cool, 淨係對呢個小妹妹有DD興趣.
留意呢張相好詭異......

後面唔係有個人, 張相就very good...