Samuel@Singapore(day1)

森爸同小森都係第一次到新加坡,
查實呢次新加坡之旅,
森爺早於小森兩歲多時已提出過,
因為想帶小森去探下身在星洲既太姑婆(森爸姑婆).

太姑婆自從森爸讀小學時,
帶過表姑姐返過一次香港,
就一直冇回港,
但不時都會收到森爺寄過去既相片.

森爸結婚果年,
只係派左表姑姐一家來港飲喜酒,
所以太姑婆一直好想見下小森,
森爺知我地今年冇打算出埠,
就積極籌備呢次五日四夜小森新加坡探親大冒險......



14/4 機場、Ducktour、太姑婆家

真係天都未光0600就出發,
小森又帶住佢個巴斯光年拖o急,
內有小食同陪訓小熊.......



去到機場,
個o急已經去左森媽手lu....





一上到飛機,
小森即問幾時起飛,
查實佢係心急想打機,
但原來國泰5似得日航隻隻機有機打,
小森日思夜想上飛機可以打餐飽既好夢成空......

好彩仲有playhouse disney禮物一份,
同有得睇《超級零零狗》

 

去到新加坡既酒店,
都好華麗下,
森媽對個view非常之滿意,
直頭望到魚尾獅,

雖然係細粒到要用望遠鏡先睇到,

但真係日夜景都咁靚

 

 

 

搞好晒酒店D野,

就出發去第一個項目,

參加新加坡Duck tour,

坐水陸兩用鴨仔車遊一圈,

基本上咁樣遊一遊,

新加坡好多名勝都會睇到晒.

 

之後就去左探下太姑婆一家,
成日同小森講去探表哥表姐......
查實十歲同十二歲既小朋友,

應該係小森既表姑姐同表叔,

森爸既表姑姐同姑丈係佢既姑婆同姑丈公咯

 

返到酒店小森仲未捨得訓,
難得有張大床,

佢緊係要跳餐飽,

睇下佢個樣幾咁狂野.......