30強中既26強

終於完成左琴日漫長既一日, 10點入到廠 ... 一直到夜晚11點幾, 真係""爽""到爆 ...
其實大部份時間都係 .... 等 .... 之後就排練..... 開聲 ..... 化妝set頭 ... 但點解我成日都咁黑仔 ... 硬係要食飯時間黎化妝, 仲要化完就話唔得要抹左佢重新再化過架 ... 好彩有參賽者好好人, 見我咁幫我買三文治 .... 我好feel到呢樣就係友誼喇 ... thanks so much

好多人都好好 ... 雖然大家都係競爭緊, 但都會俾好多善意既意見俾對方, 等大家都進步 ... 好可惜最後都係要有人要走 ..... 點都好 ... 各位參賽既朋友以後都要加油

琴晚終於可以o係呢個台唱出rom既 TT, 其實有d怕評判未必鐘意 .... 但我又唔係好介意 ... 因為可以唱到已經係好好 ... 個感覺就好似alan, janet, yito都一齊o係個台度咁 .... 呢一份滿足已經好夠 ^ ^

當知道夠分過關當然更加開心啦, 終於鬆一口氣 ... 唔係怕輸 ... 係壓力, 對自己同支持我既朋友既交代 .... 突然間一整日既壓力一下子消失晒 ... 真係好 .... 對我黎講, 去到30強已經到左我本身既目標喇 ... 晉到級已經係超出我預料, 希望我仲可以進步更多更多

um .. 一完show我地就抽籤 .... 因為監製話下次要pk戰喇 ... 個比賽真係玩到人心跳加速 .....哈 !!! 放馬過黎啦