探訪日之下午 - 12宝宝 (10 Apr 2009 Fri)

探完bobby同豆豆, 出發探12隻宝貝 !
好好彩, 搭車唔使等, 慳左很多時間 !
食埋lunch, 去到都2點幾了,
爭取時間, 執臭, 清理地方, 洗碗加水,
最重要加食啦, 佢地又好乖的等, 沒有搶的.
跟住同鳳宝, Long B, 金毛洗白白.
唐唐少沖涼, 難免緊張一點, 但都好俾面, 沒有惡惡, 給我們洗乾淨.

嘩嘩, 卒之做妥, 可以去行街街了, 毛毛係門口等左好耐.....

等到..哈, 一出去時, 竟走甩了,
呵呵, 自由行, 毛毛玩罷自己懂回來呢 !

本想同LONG B去逛的, 但小B不慣拖帶, 掙扎不已,
唯有下次再試, 等佢慣給人拖才去吧 !

好吧, 我們LEAD住LONGLONG, 黑仔, 鳳宝, 短尾 去行 lu !

好鍾意longlong呢個樣, 沒以前咁緊張, 活潑左.

黑仔四圍聞, 沒停的

鳳宝單眼, 咁潮氣 ??

咁都要一齊, 鳳宝, 短尾行動一致 !

好快,又到太陽下山, 要回去了.

longlong仍體力十足, 大力向前走 !

鳳宝扭計, 唔肯咁快番屋企, margaret氹氹先

好喇, 一齊走, good dogs !

衝 衝 衝

在等毛毛自由行回來的時間, 幇妹豬梳毛毛,
妹豬係呢度的嗲精, 好喜歡在人的身邊, 但永不會打擾我們做野.
很乖巧的囡囡 !!

好enjoy呢 !

等到天黑了, 6點多, 毛毛仍不回來,
oliver試用傳心術, 找找毛毛. 原來儍毛走了回去舊地盤,
便叫牠回來, 10幾分鈡後, 毛毛回來了, 齊狗 ! 我地可以走喇 !