夢想與出路

都有一段日子無打Blog，我Ｅ家決定左，再考多次會考，用一張好睇Ｄ既成績再同人爭學校！

呢段日子，過得都辛苦。無目標，無方向，帶比我既，只係無限既恐懼，經歷完辛酸既拍戲日子，睇得到神為我拍戲既路打開左好多好多既門，令到我有Ｄ感到，我係唔係應該要轉行，讀返自己既興趣呢？明明係好多年前，為神放棄從事戲劇既工作，但又見到，神今年不斷為我打開既門，令我陷入迷惘。其實神對我既指示一直都好清晰，係我中三個年，神已經呼召左我到醫療界既工作。

我呢年幾，玩關於戲劇既野，玩得實在太開心，睇到畢業後好似無路比我進升醫療既學業，先搞到想轉行，無錯，係我對神既信心唔夠，係個段時間，更聽到師母講既道，神愛我，係愛我既本身，唔係我所做到既野，就算我既決擇，唔係神鐘意既，神都會好愛我，呢編道比我見到之前向神係咁以講過既野，佢係聽ｇａ！

係好來之前，什至今年都有，我都自己諗過，如果神比我揀戲劇既路，我一定會行個條，但原來當神比我揀時，我先知，原來有選擇唔係一個自由，而無選擇先係一個自由呀！

２條路我都好鐘意，我揀邊條好呢？我為到我條路，不斷求問，求又求過，等又等過，答案都係得，無論你揀咩，我都咁愛你！呢句說話，比我知道，我錯ＬＡ～選擇並唔係自由，神對我真係好好！之後我諗左，好多好實際既事情，出路如何？但我諗得太辛苦，我去到神既面前，只係講，你對我太好！每次我想要咩，你都滿足我，但我好想...我未來既路係滿足你呀！神就開始做野ＬＡ～

當我再諗到，就算行咩路，都要等下一年，而且今年既毅進成績，一定幫唔到我搵書讀，會考又到最後一年，我只好考多年會考，考取一個好成績，再同人爭過學校！

係實際既事上，我諗得好清楚，我唔行戲劇既路，因為我唔想第時出黎做野，一班人只係為左錢，而拍好場戲或做好場演出。我都知自己好煩，但我可能太鐘意戲劇又或者我太尊重戲劇，我只係好想一班人，好開心咁玩戲劇，不過如果神真係好想我行呢條戲劇既路，我都會須服，因為我愛神！

呢一次既經歷，比我諗到一部戲（（回到十七歲））裡面既主角，對好多野埋怨，話當年揀錯好多野，而佢有一次機會返到十七歲時，佢要再一次面對，當年既決定，佢就再一次好似當年咁放棄大好既機會，爭取佢覺得最好既野，我係到諗，點形容呢件事好呢？我就諗起（（奇幻亦緣））｛你可以用唔好聽既說話，黎話你既神，你都可以發神既脾氣，但到最後你都只會須服係佢既裡面｝

無錯！人生有好多決擇，你會有好多野想做，你可能覺得自己做錯好多既決擇，但當再比機會你去決擇時，你都可能做返以前既決定！