今個星期玩乜野 - 出浴短片

係 Rico 仔 8個月期間發覺佢有好多野都大個左

幾乎每星期都發現佢有野進步

好似坐 , 企, 手腳既協調性咁

依家真係幾乎我地拎住d乜野  佢都要攞黎好好咁研究下

至於性格都開始見到d

就係每樣野都係得3分鐘熱度

一玩完就好順手好似垃圾咁扔去後面

就算食奶都要拎住d野玩

一冇野係手就成個坐起身唔肯飲奶

至於食野方面  佢都算係胃食

暫時都冇咩唔肯食

好似粥仔, 豬肉, 菜心, 番茄, 香蕉, 麵包, 餅乾樣樣食完都好開心

仲扭住喊唔夠添

依家同 Rico 仔玩仲會有眼神交流  又成日笑同講 bb 話咁

都逗得我同 Rico papa 好開心

同場加映 III 片 (小心留鼻血呀.... Wakakaka )

Rico 仔 : 我唔係未訓醒, 只不過太專心睇電視0者

Rico mama : 你唔好做電視精好冇?

(依家有野埃埃下都企到一陣架.. haha)

Rico仔 : 除左睇電視, 我都鐘意睇書書架!

Rico mama : 係咪咁聽話先?  抵錫 !